|
桂花蒸蟹*喜記蟹將軍 Hee Kee Crab General
|
|
暴食小公主
2016-08-15
349
0
|
分享
收藏
有朋友黎左香港玩 甘當時要一盡地主之誼同佢去食下飯啦 問朋友有咩想食，佢就話睇到好多遊記介紹喜記 其實我自己都未食過，所以就同埋佢一齊去試下喇 喜記裝修都幾傳統，仲帶點點中國風 火焰蜆(例) $118 故名思義，就知呢個菜一定有火啦 煲仔入面放左D石，之後店員就會點火 直到蜆打開哂，就可以食喇 蜆唔算好大粒，不過無沙，而且幾鮮甜 食既時候熱辣辣，再加上有少少酒味既甜味 不失為一個睇得又食得既菜 桂花酒釀蟹 $360 黎得喜記，又點可以唔食蟹呢 當晚我地分別叫左兩隻蟹 先黎食呢隻淡味d既 本身隻蟹質素好高，十分之新鮮 所以蟹肉結實又鮮甜，估唔到仲有膏添 桂花酒釀食落甜甜地，好清香 同蟹肉既鮮甜味好夾，味道比起一般既蒸蟹更加有層次 避風塘辣蟹(小辣) $480 另外一隻就叫左港式既避風塘炒蟹 蟹本身炸過再炒 所以食落既時候脆脆地，好香口 加埋小小辣味同蒜頭既香味 就算熱氣都忍唔住係甘食 蟹油炒麵 $72 蟹油炒麵係另一個喜記必食既菜 炒麵睇相都知炒得好乾身 味道好有傳統粥店既味道 不過因為用左蟹油，所以就更香 同埋個炒麵係帶少少辣 所以就更加惹味喇 濃湯野菌浸時蔬 $78 最後當然要叫番個蔬菜食下啦 濃湯無咩味精味，唔錯 最後仲有糖水送 當晚我同朋友都好滿意 印象最深刻係蟹油炒麵 因為出面真係已經好難食到好食既炒麵 店員服務亦都唔錯 本來我地想問店員拎工具開個蟹鉗 店員知道之後，主動幫我地整埋 雖然價錢真係有少少貴 不過久唔久食一次都可以既
感謝暴食小公主提供以上資料 暴食小公主的網誌: http://www.openrice.com/zh/gourmet/reviews.htm?userid=58662494&city=hongkong
|
~END~
人均
$200.00
| 商店 | 喜記蟹將軍 (尖沙咀店) |