|
物有所值*悅鮨
|
|
暴食小公主
2016-07-04
373
0
|
分享
收藏
| 每個月既紀念日我同男友都會去食餐好既慶祝 今次因為有另一件開心事發生 所以就決定食豪D食好D去慶祝下 日本野永遠都係男友既首選 今次我地就揀左係天后既悅鮨 呢到既環境雖然唔算好特別 裝修擺設都好有日本既味道，而且好整齊企理 煮牛脷 一坐低未Order之前 店家就先送上一客煮牛脷做餐前小食 牛脷煮得軟腍，加埋d蔬菜既清甜，唔錯 鱈魚棒 另外再送上一碟鱈魚棒 其實即係鱈魚乾，食落脆卜卜好香口 而且烤乾過之後鱈魚味道更重 一路睇menu一路食就最好不過 刺身及壽司 (各3款) 個架係唔係好靚好吸引呢? 成個架既食材我地交左比師傅去挑選 因為佢係最清楚咩先係最新鮮最岩食 拼盤 – 溫室蕃茄 日本既蕃茄真係又juicy又甜 加少少鹽黎食就更能夠吊出佢既甜味 拼盤 – 北海道白粟米 呢個白粟米係時令食物 過左時就無甘好食，係當晚其中一個驚喜 白粟米食落清甜無渣 個甜味有少少似甘蔗，真係好特別好好食 刺身 – 炙燒喜之次 燒過之後迫哂D魚油出黎 放落口油香四散，Oishi!!! 刺身 – 活北寄貝 活北寄貝爽口味鮮 個人覺得佢個口感同味道都好適合配酒 刺身 – 吞拿魚腩 男友一人連啪兩粒，佢話係好食到講唔到野 吞拿魚腩入口即溶同無筋呢d基本野唔在講 而且連dd甘多既腥同血味都無 我睇佢食個表情都feel到果種滿足 壽司 – 炙燒赤鯥魚 赤鯥魚同喜之次一樣勁多魚油，甘香十足 加埋少少飯一齊食感覺就無甘膩 壽司 – 左口魚裙邊 左口魚有淡淡既甜味 口感比較爽，係需要慢慢咀嚼既 同平時炙燒過既感覺好唔同 壽司 – 海膽 正係睇相都知用料足 海膽肥美鮮甜，正頭好似食緊cream甘 真係貴d都值得呀 另外隨碟附上既柚子JELLY同埋漬物都好有水準 特別是柚子JELLY，佢既質感介乎於Jelly同蒟蒻之間 而且味道十分清新，用黎清清口腔就岩哂 松葉蟹黃金燒 食完壽司、刺身，我地就order左d熟食 首先有呢個松葉蟹黃金燒 廚師將拆左既蟹肉混埋沙律醬、蔬菜再釀番入蟹蓋到焗 蟹肉既比例極高，即使有沙律醬都仍然食得出蟹肉既甜味 不過建議大家盡量加埋米餅食，唔係就會太油膩 自家製雞肉丸魚湯豆腐鍋 店家同我地講魚湯無加牛奶 完全係用魚黎熬煮到奶白色 魚湯味道鮮甜但一d都唔腥 飲完就知道佢地一定無講大話 雞肉丸由廚師親自手製 食落有質感，唔似出面d丸好似得d粉甘 喜之次一夜干 小公主最鍾意就係食燒魚 店家由調味到風乾同燒都做得好好 首先味道唔會過咸，而魚肉仲帶有少少調味 肉質亦都好嫩滑，好食 海鮮炒烏冬 最後當然要有少少澱粉質落肚 海鮮唔係用一pack果d雜錦野 入面真係有新鮮既魚肉，蜆，帶子等等 而且有個火一路heat住，唔怕食食下凍左 菠蘿雪糕、芋頭雪糕 最後食番杯雪糕 為呢個完美既晚餐畫上句號 雖然價錢係比較貴(每人食左$1200左右) 但我地都覺得呢到係物有所值 當日一路食一路同師傅傾下計 佢知我地係黎慶祝既 仲免費請我地飲左杯sake 有時做野做得甘辛苦，真係要獎勵下自己 順帶一提，佢地呢到有炸新鮮蟹仔食 個人覺得有d殘忍，不過有勇之士不妨一試
感謝暴食小公主提供以上資料 暴食小公主的網誌: http://www.openrice.com/zh/gourmet/reviews.htm?userid=58662494&city=hongkong
|
~END~
人均
$1200.00
| 商店 | 悅鮨 Etsu Sushi |