|
擁有靚靚海景的韓國餐館
|
|
yuchiro
2016-09-07
387
0
|
分享
收藏
| 同朋友行完海港城，又係時候搵食，間間食市都排滿人，食咩好呢！？記得舊年食過Joomak唔錯，朋友又係韓粉，唔好諗咁多，一於食韓國菜啦。 而加有晚市套餐，二人set都係358，喺海港城黎講直頭係平添啦，二人set得一個主菜，怕唔夠食加左個冷麵，再加錢轉左個甜品，飲品無乜特別想試，就不轉了，跟餐送熱飲。 4度牛肉冷麵，見無記介紹過好吸引，點了一客試試，有素菜，豬肉同牛肉揀，選了牛肉。一送上枱出哂煙，好型喎，原來盤下面有冰，要襯凍食㗎三個麵加紅蘿蔔絲，麻油菠菜，泡菜同青瓜絲，牛肉有四、五片，旁邊有紫菜同甜辣醬，混埋一堆食都幾好味，麵係白麵條，餐牌上說是薯仔麵則不太食得出來，而且88蚊說實話是有點貴的。 跟餐的大蘑菇沙律，除了炒香過的大蘑菇外，仲有沙律菜，蕃茄仔，芽菜苗，同炸過的薯仔粒，加上芝士粉同沙律醋，口感豐富又好味，啲菇好juicy，其他食材新鮮爽口，加了薯仔粒更飽肚。 泡菜炒豬肉，好大碟！豬肉比泡菜還多真係好驚喜，多數食韓國菜都無乜肉。豬肉嫩滑，泡菜辣而脆口，係新鮮做嘅泡菜，同買罐裝的差好遠，好味好多喎。哈哈，開頭覺得無乜野，越食越辣飲了一大杯水 主菜要了牛肉炒粉絲，份量足喎，牛同粉絲各半，仲有洋蔥，紅蘿蔔絲，韮菜，木耳等配粉，口感豐富又令到顏色靚啲，炒起上黎入味又唔油膩，好味。 餐飲熱咖啡，啡香味濃。 另一杯要了粟米茶，好香啊。 餐加55蚊轉了甜品，散叫好似要78？甜品比主食要貴但食過後真心值得，因為實在太好味了！旁邊黑色一杯的是黑咖啡，十分香濃，另外杯仔入面的是咖啡味雪糕，甜甜地好大奶香，將咖啡倒入雪糕杯仔一齊食，又香又苦又甜一次過味道豐富，啲手指餅吸了咖啡同雪糕軟綿綿的，呢個甜品真係回味無窮 左加右加下埋單五百幾。 今次好好彩坐到對住海景嘅枱，無敵靚景呀
感謝yuchiro提供以上資料 yuchiro的網誌: http://www.openrice.com/zh/gourmet/reviews.htm?userid=444085&city=hongkong
|
~END~
人均
$275.00
| 商店 | The Joomak |