|
鴨食專門店
|
|
yuchiro
2016-06-19
266
0
|
分享
收藏
| 放假，一家人到赤柱走走，可惜天公不造美，半路上落起大雨，急忙去避雨，那就吃個提早的晚飯吧。選了一間專門吃鴨的，貪佢地方濶落容易推bb車進入。 坐低慢慢睇餐牌先，好多野食噃，那就一人叫一款主食再加點別的吧。餐廳裝修幾靚，有西式風格，連枱上餐具都幾精緻。 點了一壺水仙，嘩，個茶壺好精美，好有中國風，金屬造好傳熱，要小心拎。茶味香濃，用上上等茶葉呢。 另外亦點了可樂，原來可樂係有埋檸檬的，更解渴。 點了片皮鴨半份，鴨皮滿滿油光好吸引，這裏的片皮鴨不是只有皮，亦會連同肉一齊呢。 有甜麵醬，青瓜條，大蔥。 當然仲有蒸皮啦。 包著食幾正喎，鴨肉肥美，青瓜大蔥清新加上甜醬，唯個皮不夠煙韌少了點口感。 黑松露安格斯牛柳粒，牛柳粒牛味十足，入口滿滿牛油好甘香，醬汁好濃味下飯一流。 膶腸櫻花蝦炒芥蘭苗，膶腸的油份迫哂出黎，炒出黎的芥蘭好香，翠綠又有鑊氣，好味喎。 白汁煙肉炒麵，煙肉香口，白汁傑身，每條麵條都黏到醬汁，但味道較淡了點。 野菌炒麵，雜菌下得很多，呢款用的是蕃茄醬，甜甜酸酸很好味。 黑松露燉飯，黑松露味不算很強烈好易入口，飯軟綿吸飽醬汁幾好味，只可惜珍珠蠔有沙？定係殼碎？食到有異物。 芝麻醬填鴨冷麵，有鴨絲，紅蘿蔔絲，青瓜絲等，食落好清新好適合夏天食呀，麻醬下得很多，呢隻醬真係配咩都好味。 花雕話梅燴橙，估唔到咁燉起又好好味喎，話梅酸酸的，橙香甜，加埋一齊好夾好特別，上面仲有層脆脆點汁食，真係汁到飲哂。 焦糖蘋果蛋糕，好靚呀，上面層焦糖發光的！蛋糕濕潤軟綿，不過甜好正喎。 陳皮焦糖燉蛋，聽說用上鴨蛋去做，質感較稀，蛋好滑，甜度適中，幾好味。 杞子酒糟炖天津梨，好清甜帶著淡淡的酒香，又係汁都飲埋。 價錢在遊客區黎講算係咁啦，食物賣相精緻，味道不錯，店員收碟上菜添茶勤快，感覺良好的一餐。
感謝yuchiro提供以上資料 yuchiro的網誌: http://www.openrice.com/zh/gourmet/reviews.htm?userid=444085&city=hongkong
|
~END~
人均
$250.00
| 商店 | Pinot Duck |