|
淨係食牛都抵
|
|
yuchiro
2016-06-29
294
0
|
分享
收藏
| 老闆約放工出黎打邊爐，兼夾傾下工作事宜，公司連走幾個同事，氣氛實在麻麻，係時候要整頓一下。 黎到始創中心，原來有牛一同牛陣，仲要喺正對面，見牛一勁多人等，相反牛陣完全唔使等，望一望餐牌價錢已知其因。 廢事要老闆破費太多啦，一齊排牛一，進餐九十分鐘，其實又唔係等左好耐喎，等左一陣有枱，坐在牆角二人枱，幾濶又幾靜局。 枱上印有呢張貼紙，有得叉電正喎，今時今日呢個服務相當重要，唔使怕玩玩下電話無電啦。 老闆話食好啲，點左澳洲和牛餐，248一位，好似比好多火鍋放題平，但質素極佳，啲牛勁靚，又滑又香，入口滆化，哈哈，一個人都encore左四客。 個餐仲有豬肉，豬肉都靚，但略為瘦啲啲，滾得耐有啲鞋口，個人覺得牛肉好味啲，不過老闆話鍾意豬瘦喎，各有各人口味啦。 枱上有呢個呼叫器，一㩒著佢就有伙計過黎，落牛肉豬肉order好方便，一叫已經拎黎，唔會漏單。 醬料亦係自助bar度自己調配，要了日本醬油加黑蒜油同辣油，再加了麻醬，柚子醋同青蔥，啱哂口味，正。 湯底黎啦，揀左牛蒡鮮雞湯，湯清味濃好正呀，老闆急不及待就倒左一盤牛肉落去，嘩嘩，都未影相…… 湯裏有不少牛蒡同雞件，雞件仲幾滑添，唔好哂，食埋佢地！ 淨係食牛肉豬肉唔得嘅，出去自助bar度攞啲蔬菜先，好多野揀下，雜菇，菜，椰菜花，蓮藕片，蕃茄，粟米等，仲有好特別嘅蟲草花，原來用黎打邊爐好好味喎。 encore，encore，雜菇都係至愛，冬菇勁厚身好鮮甜，仲食左啲丸，餃子咁，哈哈，年糕都好正㗎～真係大滿足。 飲品方面有罐裝，紙包同汽水機，大部分口味都有，整返罐好好味嘅忌廉溝鮮奶先！ 食飽飽就係甜品時間，有蛋糕仔同雪糕，整左杯軟雪糕，3.6北海道牛奶喎，果真好滑，又夠甜，貪心啲落左好多配料，好好味呀～ 食埋甜品飲返杯茶清清腸胃。 肉好味，菜吸左牛油同湯底勁正，飲品多款，環境濶落夠冷氣，員工態度又好，基本上都無乜挑剔了，好滿足
感謝yuchiro提供以上資料 yuchiro的網誌: http://www.openrice.com/zh/gourmet/reviews.htm?userid=444085&city=hongkong
|
~END~
人均
$275.00
| 商店 | 牛一 (太子店) |