抱歉,發生點錯誤。
重新載入
港式口味西餐廳大件夾抵食
yuchiro
2016-06-05
599
0
分享
收藏
天盛街市大番新變成了天盛商場,引入了更多元化的食店,是晚來到茜廊餐廳用膳,之前在九龍灣也食過好幾次,出品還不錯,今晚黎近近地嘅天水圍分店試試,順便提早慶祝下父親節先。

提前book左枱,黎到唔使等已有位,仲好好咁擺埋bb櫈啦,位置好濶,泊bb車無難度。餐廳選擇很多,研究一輪後決定叫五份晚餐,再加其他野食。

晚餐可選紅湯,白湯或沙律,大家一至決定要沙律,菜新鮮爽脆,salad dressing有點甜甜地咁,味道似係蜜糖芥末?!同沙律有啲唔夾喎。

即使不叫餐湯但餐包還是會上的,蒜容包很香口。

點了一客小食炸薯條配黑松露醬,薯條新炸起熱辣辣很正,醬則有點過甜了。

羊膝拼鱈魚柳薯菜,魚柳煎得金黃,魚肉嫩滑,羊膝唔酥,啖啖肉好正。

美國西冷牛扒薯菜,牛扒牛味十足,咬下肉汁滿溢,而且帶陣陣炭烤香。

葡式烤bb豬配雜菜沙律,份量很多,成隻豬脾!皮炸得香脆,皮下雖然肥膏不少,但食落並不油膩,調味做得不錯。

意大利香草焗紐西蘭羊架,一客有四件又係意外地多呢。羊肉嫩滑同樣唔酥,唔落汁原汁原味好正。

北海道帆立貝意大利飯,這個唯一有點失望嘅主菜,味道太淡汁太多,而且亦不能算是意大利飯……

黑松露野菌薄餅(大),勁多菇!入口啖啖都係芝士同菇味,正喎。

四重芝士薄餅(大),鍾意食芝士一定要叫呢樣,超濃芝味,好鍾意上面啲水牛芝士呀~

加錢轉了特飲……真心後悔,全部味道都很淡,不詳談了。

金脆塔雪糕,賣相不錯,可惜窩夫殼已淋了,還有雪糕下層的雜果味道有點怪,是否天氣太熱已變壞?!

朱古力心太軟配雪糕,呢個超正!!雖然不太流心,但朱味超濃,入面仲有粒粒朱古力,好味好味。

叫左好多野呀,食飽飽大滿足。

整體感覺不錯,有下次的。較不滿的是冷氣不夠,好熱呀。店員服務態度良好,勤收碟,只有一位帶鄉音的女店員令人有點壓力,未食完已多次要求收碟,想加水又視而不見,好彩另一位男店員主動飛身過黎加水,加回不少印象分。


================================

感謝yuchiro提供以上資料

yuchiro的網誌: http://www.openrice.com/zh/gourmet/reviews.htm?userid=444085&city=hongkong


================================

~END~
人均 $249.00
商店 茜廊餐廳 (天水圍店)