|
人氣滿滿的台式餐館
|
|
yuchiro
2016-06-01
115
0
|
分享
收藏
| 放工黎旺角睇夜場，先去醫醫肚，到了朗晴坊搵食，呢度越開越多食店呢，又無喺朗豪坊食咁貴。 上到了最近人氣滿滿的屋喔，好多朋友都推介呢度，一於又黎試試。 點了兩個晚餐set，送上沙律，用的是一般沙律菜及底部一點椰菜，很脆口，加了最愛的麻醬很好味。 天氣很熱，一定要點杯凍飲降降溫，要了野莓優格沙冰，朋友要了巨峰乳酸，兩者都酸酸的，沙冰打很很碎，夠凍好解熱。 屋喔溏心蛋 $28，散點了溏心蛋，因真的好鍾意食，一見到就決定要點了。蛋黃軟綿柔滑，入口蛋醬黏住且蛋味香濃，蛋白部分醃過帶點甜甜的味道，整體感覺良好，好好味呀。 屋喔酥炸雞盤 $86，另加了炸雞，唔點唔覺得自己食過台灣野。雞件炸得香脆，不算油膩，個皮勁脆好正，入面啲肉仲好滑。雞件本身已醃過好夠味，旁邊仲有三種醬可自行加味，有辣醬，茄汁同蜜糖芥末醬，三種都好好味，搞到變成混醬雞。 黑松露野菌蚵仔燉飯 $118，自己點的晚餐set，台西式合一，忌廉汁很厚身但不膩，黑松露味幾重喎，飯軟綿，而且入面混了不少蚵仔同雜菌，口感不錯。 炭烤10oz美國肉眼牛扒 $158，朋友點了牛扒，10oz都只係咁嘅價錢，又幾抵食喎。要了五成熟，果真做到半生熟，牛味一般，切下有少許韌，食落還可以沒有渣，且份量同價錢撘夠，食肉獸朋友大like添啦。 跟餐甜品提拉米蘇，造型可愛，內裏軟綿濕潤，略微甜了點，還欠了咖啡味同酒味，這比較是亞洲口味版本…… 另一個要芒果奶凍，同樣過甜了點有點膩，奶凍本身幾香滑，係個芒果醬太甜了。 食到勁飽，價錢都好抵食下。服務ok，環境就麻麻，可能坐室內會好啲。是晚等位嘅人好多，餐廳內都幾迫，仲分到坐室外撘建嘅枱，完全唔夠凍氣，熱到好似食緊大排檔咁……食完一身汗味，哈哈，突然覺得自己都幾臭，弊啦
感謝yuchiro提供以上資料 yuchiro的網誌: http://www.openrice.com/zh/gourmet/reviews.htm?userid=444085&city=hongkong
|
~END~
人均
$220.00
| 商店 | 屋喔 (旺角店) |