好有美國味 SeeWide

睇戲前黎食個午餐，嘩，原來呢度開左咁多餐廳，轉左一圈，決定食西餐。

人氣很旺，等了好一陣才有位，等位時已決定點咩，有位後只坐下等食了。枱上有糖漿，茄汁，辣汁，黑胡椒等調味料。糖漿用的是syrup，好懷念的味道，學生時代在加國時常常自己整窩夫，用的就是這味道的syrup。

點了一份勁量早餐$111，因為朋友都很細食，一早已決定點兩份主菜share食，既然要share，梗系點最重量。呢份早餐有煙肉三塊，腸仔兩條，一盤炒蛋，薯仔粒，兩塊多士同一大塊窩夫，一個人係無可能食很哂的，哈哈。蛋可選煎蛋或炒蛋，個人較喜歡炒蛋，炒得很滑呢。煙肉炸得像薯片般脆，薯仔粒烤很乾身，多士可塗果醬同牛油，最正係窩夫，蛋味牛油味香濃，就咁食已好正，再塗上牛油同加糖漿就更完美了。

煙肉薯粒鑊仔$90，不知道早餐已有薯仔，再額外多點了一客，雖然材料差不多，但食落完全係另一個感覺。烘過的薯仔粒混了青椒，煙肉，洋蔥，同芝士，味道複雜加上十分香口，上面仲有兩隻水波蛋，整爛佢混埋蛋汁仲正，若覺得不夠味可再自行加點調味醬料，個人加了黑椒同辣汁同食，更香更惹味。

雜莓香蕉士多啤梨窩夫配意式雲呢拿碎朱古力雪糕$71+20，食過咸點有點意猶未盡，又覺得呢度個窩夫好正，再看看餐牌決定多點一客窩夫，上枱時香噴噴，即叫即做熱辣辣好正。窩夫焗得外脆內軟，本身已加了朱古力醬，但好甜的我們還是加了大量糖漿同食，甜品就係要咁樣食啦～

原來六周年有九折，即係唔使加一啦，抵左

================================

感謝yuchiro提供以上資料

yuchiro的網誌: http://www.openrice.com/zh/gourmet/reviews.htm?userid=444085&city=hongkong

================================

~END~

人均 $100.00

商店	Green Waffle Diner (銅鑼灣店)


抱歉，發生點錯誤。重新載入


(0)	(0)	(0)