|
壽司之神，omakase
|
|
kelvinfoodki
2016-09-06
580
0
|
分享
收藏
壽司之神係元朗除左鮨文外另一間主打omakase 廚師發板既餐廳，主打各種貴價魚類，當然最貴既地方係師傅既手勢，壽司之神既壽司刺身絕對值呢個價錢。師傅經驗豐富。 門面簡單，但不失華麗。 食omakase廚師發辦，當然要坐係BAR台，等師傅一件件整，以保 官城縣生栗米加上靜岡蕃茄。生栗米雖然無經過任何處理，但口感香脆非常鮮甜。 日本小長井生蠔，原隻生蠔size真係好大，加上少少蔥花，入口非常鮮甜，食落去完全無腥味。 深海池魚厚度恰好，魚味之鮮的確難以忘記，池魚較左口魚結實煙韌，魚味濃。 將左口魚切成薄片，師傅薄切功夫了得，灑上蔥花去除左口魚的腥味。魚肉味道清爽嫩滑，加上酸醬汁，非常開胃。 響螺加上海鹽下面柚子，響螺口感較煙韌，有種酸味。 拖羅，肉質較紅，油脂平均，肉質結實，並不是入口即溶的口感。口感較煙韌，可惜鮮味不足，但以紫菜夾住拖羅，加上岩鹽，諗法幾有創意，保到鮮味不足既決定，食上黎有少少咸味。 銀鱈魚係比較油膩，師傅巧妙地輕輕燒燒魚皮，將魚肉燒到半生熟，帶出油香，入口嫩滑 伊佐目壽司 - 魚上面放上薑絲花，肉質嫩滑，入口有種魚獨有既鮮甜 油甘魚係日式料理必食之選，魚肉油脂多亦夠肥美，肉質紮實 牡丹蝦晶瑩剔透，特別既地方係沾蝦醬，蝦醬令牡丹蝦充滿鮮味，但牡丹蝦依然甘甜，味道爽口。 鯖魚壽司配上芽蔥 入口嫩滑，加上芽蔥辟走腥味 海膽軍艦 - 亦係容易分辦店家食材既食物。壽司之神既，日本海膽味道極鮮極甜美，可惜份量少左啲，唔夠喉！ 除左刺身以及壽司外，仲有炸物- 雜錦天婦羅，有蝦、南瓜、蕃薯、冬菇 仲有燒香魚 － 連皮,連骨食,肉質比較結實，加上大量海鹽。 翠玉瓜魚湯 北海道蜜瓜，好甜！ 以及自家製抹茶布甸，加上金箔作點綴，盡顯豪華。味道較為苦澀，但面上大粒紅豆好甜。
感謝kelvinfoodki提供以上資料 kelvinfoodki的網誌: http://www.openrice.com/zh/gourmet/reviews.htm?userid=58271625&city=hongkong
|
~END~
| 商店 | 寿司の神 God Of Sushi |