|
晚飯遇Supper
|
|
MonkeyHin
2016-07-11
162
0
|
分享
收藏
響我的字典裡，當然要有刺身架啦！仲要係居酒屋添！二話不說就叫左幾款刺身，阿B最愛既三文魚刺身，我最愛既吞拿魚刺身，同我地都咁中意既油甘魚刺身。 三文魚刺身超新鮮，食嗰時仲凍凍地，肥瘦均勻，厚切得很，Size大小剛好，兩口食晒。吞拿魚都一樣咁厚切，仲好實肉，我從來都唔中意啲刺身有鬆散既感覺，有少少血腥味，仲有少少彈牙，油甘魚就唔係好夠肥，同平時食的有點分別。 薑味鹽酌梳打有薑味既野好多時我都有興趣試，仲要加埋鹽酌，無得唔叫啦！薑味連埋少少既甜味就好出，以為咁大杯梳打就無乜酒味啦！又唔係喎！都有醇味的燒酌，一杯咁大杯而有質素的飲品都係$48咋！ 蟹籽蟹肉薯仔沙律從來都唔中意食薯仔沙律的，但阿B見到有蟹籽蟹肉又話想叫啲飽肚啲啲既食物，咁就叫左！嘩！好出奇呀！點解既！同我平時食的好唔同，唔會軟如棉花，唔會實的的，廚師拎到個中間位，唔實，但有"中心"，而每顆都有微微蔥味同洋蔥味等，很香，一絲絲的蟹肉連埋軟綿綿的薯仔沙律食，有唔同的質感，食得滋味，同埋脆卜卜的蟹籽，似日本蟹籽沙律的感覺。 殘酷活鮑磯燒哈哈！殘酷的是叫現實，或許有人說變態！現實中被人欺負，會否說那人變態？今晚的主角是活鮑，鮑魚上枱時仲係郁的，唔止喎！係煤爐上仲係郁的！而且轉，有片睇架！去片！燒到差唔多，店員細心的幫忙再燒！加一點醬料同燒酒等，到燒好後放在我們的碟上。燒得剛好，一啲都唔un，外層的醬料有啲似平時的即食帆立貝味，酒味蒸發左，一啲都唔重酒味，唔好酒既朋友都可以食到！ 重點黎啦！就係我地埋單嗰時，見到Supper Moment的CK響度睇餐牌，阿B知道我中意Supper，勁叫我同佢合照，但我太怕醜了，無要求到，就走了！
感謝MonkeyHin提供以上資料 MonkeyHin的網誌: http://www.openrice.com/zh/gourmet/reviews.htm?userid=533237&city=hongkong
|
~END~
人均
$280.00
| 商店 | 焱丸水產 |