03/09 諗住臨開學前一家人同兩位小妹妹們食一餐飯 ,

為了就兩位小妹妹所以要揀一些荃灣區的食肆 ,

而且有人仲要戒口實質都無乜好揀 ,

之前媽媽在季季紅食過有米豬後一直念念不忘 ,

既然係咁不如就舊地重遊一次啦 !

" 鮮雜菌浸菜苗 "

媽咪好欣賞這個浸菜苗 ,

不過又真係幾好食嘅 ! ^^

" 椒鹽腰果鮮魷 "

當晚的椒鹽鮮魷炸得十分之脆口 ,

所以搞到個個都不停咁掙住食 ^^

" 有米豬 "

媽咪最念念不忘的 "有米豬" 出場喇 !

上次的米飯比較硬所以今叫佢哋整腍啲 ,

嗱 ! 今次個飯真係軟孰咗好多 yum ! yum !

咁大隻有米豬當然食唔晒啦 !

最後唯有兩家人每人攞一啲返屋企 ,

我哋每人都有一隻豬脾 ,

估唔到乳豬脾仲好食過雞脾  ( 有少少愛上咗添 ! ^^ )

" 果皮蒸大連鮑魚 "

" 鼓汁帶子蒸豆腐 "

" 蒜蓉炒白菜 "

臨時有人缺席所以要另外炒一個白菜外賣 ,

當晚的白菜又炒得幾靚仔 ,

所以忍唔住偷食了一嗒 ^^

原來這酒家剛在五月先裝修完畢 ,

唔怪得小菜的價錢貴了這麼多  ( 定係我好耐無去呢 ? )

-----------------------------------------------------------------------------------------------------

14/09  估唔到唔夠兩個星期又來到季季紅食晚飯 ,

今次是食生日飯但依然要揀荃灣區又是有人要戒口 ,

其實都有其他酒樓可以選擇嘅 !

但貪佢近地鐵或巴士站夠方便嘛 !

" 香煎蓮藕餅 "

個蓮藕餅煎得好金黃真的好惹味 

" 蒜蓉炒白菜 "

同是白菜仔但今次無上次咁好食  ( 感覺啲菜唔夠嫩 )

" 雜菌紅燒豆腐 "

" 椒鹽腰果鮮魷 "

個椒鹽鮮魷兩次的做法都有唔同 ,

今次個粉漿比較多而魷魚又有點韌對比起上次真係 No good !

" 有米豬 "

唔知係咪食得太密大家都覺得隻豬好似無上次咁脆口 ,

總括而言食物的質數有點參差