北區日菜*漁匠料理 Sakana Takumi
|
|
暴食小公主
2016-09-28
582
0
|
分享
收藏
上星期我同家姐都冇飯食 所以就近近地,係番北區搵食 漁匠之前食過一次,覺得都OK 所以果晚又再去食多次喇 和風柚子汁凍蕃茄 $30 我地兩個人都好鍾意食蔬菜 所以就點左個蕃茄沙律食 蕃茄幾多汁,不過甜度就一般 柚子汁夠清新,係一個幾開胃既前菜 香芒大蝦卷 $92 因為我唔鍾意食魚生 家姐就我叫左呢個大蝦卷 炸蝦d粉唔厚,蝦肉幾大粒 而且上面有d生果 就算食多幾件都唔heavy,岩哂夏天食 備長炭燒活海鮮盛 $136 海鮮盛包括一隻鮑魚仔、帶子、生蠔同大蜆 幾樣野都好新鮮,所以味道都好鮮甜 由其是鮑魚仔,燒完都唔會硬 雖然係要自己留意住燒成點 但店員時不時都會過黎check下 所以都唔駛怕自己唔識控制會燒到過哂火 日式蟹肉炒飯 $98 夜晚點都要有d米飯落下肚 (哈哈) 蟹肉雖然好碎,不過份量都唔少 米飯本來既甜味再加埋蟹肉既甜味 簡簡單單就已經好好食 北海道風溫室蜜瓜紅豆芭菲 $88 2個女仔一齊食飯,最後又點可以無甜品 估唔到個蜜瓜會甘大個 果肉質地比較爽,但都好甜 加埋d煮好左既紅豆同埋雪糕 每一啖都好滿足呀 (後) 巨峰爆珠梳打 $30 (前) 柚子爆珠梳打 $30 如果係北區既街坊 唔想食親日本野都係去排哂隊既元氣 不妨黎漁匠試下
感謝暴食小公主提供以上資料 暴食小公主的網誌: http://www.openrice.com/zh/gourmet/reviews.htm?userid=58662494&city=hongkong
|
~END~
人均
$120.00
商店 | 漁匠料理 |