今天係假期就跟大家出走元朗，去吃抵食夾大碟的泰越菜好嗎？

事原這天相約了住天水圍的好姊妹J小姐相聚，她喜歡吃泰菜那便在元朗找了這間亞萊嘜嘜泰越菜跟她撐檯腳啦！

一看見{青檸梳打}$28，車媽媽眼睛經已被蒙蔽了，完全看不上其他飲品，我實在太喜歡飲青檸梳打了！

而且餐廳仲用上樽裝梳打水，更令我瘋狂哋喜歡它，確實好氣酸香又不會太甜。

而J小姐就要{芒果沙冰}$28，我試了一口，味道香甜不假，質感亦十分幼滑，而且大大杯十分抵飲呢！

食泰菜我必定要食柚子沙律，這兒的{金柚鮮蝦沙律}$88，味道十分出色，鮮蝦夠爽彈，金柚甜而不澀。

{串燒拼盤}$85共有6串之多，分別係豬，牛和雞肉串。

佢最特別嘅係肉嘅形狀係方粒形，而唔係我哋平時食開扁身嘅肉塊， 咬口無疑係出色得多，但係亦都會較漏，而肉嘅質感亦都夠淋，係略嫌沙爹醬偏甜了點！

{無骨海南雞}$118/半隻，呢個係我推介大家一定要試的菜，雞皮爽脆，雞肉嫩滑，點上泰式辣汁吃，惹味萬分^_^

{馬拉盞炒椰菜苗}$72，最愛食泰式嘅椰菜苗，加上香口惹味嘅馬拉盞炒，味道濃郁，口感爽脆，好吃非常。

由細到大食泰菜都最喜歡呢個{菠蘿海鮮炒飯}$98，這兒嘅出品味道香甜，而且都係我食開正宗嘅口味，份量足晒秤，我吃了兩大碗才收口呢！

而J小姐最主要就係攞呢一份生日禮物俾我轉交車爸爸，係佢女兒即係我哋契女親手做比契爺嘅生日禮物， 超靚的糖花曲奇，唔止樣靚呀食落亦都鬆脆香甜，多謝契女的一番心意呀^_^