|
失望
|
|
愛食
2016-10-01
229
0
|
分享
收藏
| 部門老闆TL生日,部門為佢攪生日午宴,秘書安排27-9-2016 (Tue) o黎呢間食,book o左5張枱共51位,秘書預先order定幾個必食菜色,然後我o地各自叫啲點心食. 1. 乳豬一隻 皮脆,肉多但瘦,唔太鹹,個個都讚. 味道: 5分 2. 叉燒 睇見幾靚,全部都係瘦叉燒,食落,甜度好夠,口感算軟但仍有咬口. 味道: 4.5分 3. 白肺燉湯 飲到杏汁味,但幾個女同事都話唔夠濃.而湯渣都有奉上,我夾到舊豬肺食,但點解唔係白色?洗唔夠嗎?佢好腍,重要一夾即散. 味道: 4分 4. 壽麵 其實係伊麵,大大碟,顏色幾深但唔鹹, 伊麵好腍,係太腍.料就有草菇. 味道: 2.5分 5. 椒盬鮮魷 炸得好燶, 食落,熱騰騰,下面脆;而調味其實係金蒜,唔太辣鹹鹹香香,不過都唔算太濃味. 味道: 4.5分 6. 話梅豬手 切到細細件,個個一食都話唔掂,因為唔腍.我都試吓,真係唔腍,佢係好冰凍,話梅味唔濃. 味道: 1分 7. 唔知咩蘿蔔腸 女同事話應該o黎錯o左,佢o地話係剔蝦腸.呢個開成8件,腸粉薄,內裡有類似油炸鬼o既o野包住蘿蔔絲,呢個又係熱騰騰,味道就清淡. 味道: 4分 8. 蝦餃 蝦仁爽,正常. 味道: 3分 9. 鮑片燒賣 其實都平平無奇. 味道: 3分 10. 棉花雞 其實兩個女同事同我都o考住魚肚,我第一個夾,夾到件比五蚊銀大啲o既o黎食,食落又係熱騰騰,入晒味夠腍,但仍食到佢魚肚o既味,又洗得唔夠? 之後兩個女同事搵魚肚,已經搵唔到喇.成碟棉花雞就只有o個啲啲魚肚?我o地都忍唔住唱”雞全部都係雞”. 味道: 2分 11. 招牌黑豚卷 睇見顏色好深,直覺覺得唔好食,但都夾件o黎食啦.卷到大大件,食落,好甜,係瑞士汁o既甜,太甜喇,唔好食.個卷係煎過,內裡包住o既應該都係蘿蔔. 女同事就食到覺得未煮熟,啲肉重係粉紅色o既. 味道: 1分 12. 叉燒酥 其實係已經冇乜o野食而食,皮薄,叉燒腍同甜甜地,幾好味o既. 味道: 4分 13. 壽包 唔大個,包身唔算好厚,蓮蓉唔太甜,亦冇蓮蓉香. 味道: 2.8分 重有兩碗粥俾個唔舒服o既同事食. 環境: 好寛敞,不過冷氣時有時冇. 衛生係3.5分 價錢: 5張枱o既總和$18,983.80平分,當然,生日o既老闆唔使俾,每位$379.68,但酒店俾discount,咁就每位俾$338.00 抵食係1.5分
感謝 愛食 提供以上資料 愛食的網誌: http://www.openrice.com/zh/gourmet/reviews.htm?userid=46226&city=hongkong
|
~END~
人均
$367.00
| 商店 | 帝玉庭 Royal Park Chinese Restaurant |