|
火車旅行主題餐廳
|
|
mjqueen7e
2016-10-01
555
0
|
分享
收藏
老公位於長沙灣的新寫字樓終於可以正式入伙，作為「跟得夫人」的我，當然要去八卦一吓。探完班後，兩口子打算先到附近找個地方吃頓晚飯才回家。由於大家對這區都不太熟識，所以決定先上網做吓 Research，找到這間風評不俗的餐廳《CHOO CHOO》，原來店子是以火車旅行為主題，而且提供多國西餐菜式，感覺幾特別，決定一探究竟。 沒想到原來餐廳門面咁搶眼，以鮮艷奪目的橙色為主調，不過店內環境很細小，只有 22 座位，相信如果全部坐滿客人的話，應該都會幾熱鬧嘈吵。安頓後，趁食客不多，先細看店內裝潢，原來店裡的木製餐桌後面，安裝咗好幾個屏幕用作火車車窗，而且「車窗」外的流動風景精彩多變，令人有恍如置身在火車車廂內的感覺。 拿起檯面的餐牌看看，選擇不多，只得兩頁，不過個 Menu 幾有特色，走 Fusion 路線，食物主要分為幾大類，包括 Group Tour、Lone Travellers From The Land、From The Sea、Carb Up For The Long Trip，與餐廳的旅遊主題互相呼應。 老公想吃 Pizza 而我就對香口的炸魚塊情有獨鍾，決定所點一客。先送來的法國啤酒炸魚柳配薯格 ($148)，以木砧板盛上，而且分量豪氣，除了有一大塊炸石斑魚柳外，旁邊還配上薯格和蘋果粒。先切開魚柳一試，外層脆漿不厚，而且裡面嘅魚肉好鮮嫩，入口幾有肉汁，唔會乾爭爭，蘸上混入了紅椒粉及芥末的他他醬吃，酸辣醒胃；加上伴吃的薯格夠脆身，而蘋果碎粒亦有助平衡膩感，叫人吃得滋味。 至於老公點的西班牙辣肉腸火箭菜薄餅 ($128)，分量亦絕不欺場，細看材料，除咗有入口帶微辣的 Chorizo 外，還有橄欖、芝士、火箭菜和紫洋蔥等。Pizza 的餅底厚度如一，而且食落幾乾爽、帶麥香，只可惜個批邊好硬，好待改進。 不過要數這晚的亮點，則非之後加單柯打的慢煮三文魚柳配法式芥末醬 ($148) 莫屬了。其實慢煮的菜式，最重要就是控制溫度和時間，而這裡的廚師就把這道三文魚做得非常出色，魚皮煎得脆口甘香、而魚肉的口感亦軟綿輕柔，吃起來嫩滑無比，配上法式芥末醬，更有畫龍點睛之妙。 飲品方面，點了 Pineapple Juice ($32) 及 Mango Banana Energizer ($48) 各一，兩款果汁，味道都唔錯，幾天然，尤其是後者，香蕉味好突出，果味清新怡人。聽說店裡的雜莓芝士波甜品很不錯，可惜這晚實在太飽了，還是留待下次再來品嘗吧！
感謝mjqueen7e提供以上資料 mjqueen7e的網誌: http://www.openrice.com/zh/gourmet/reviews.htm?userid=66478&city=hongkong
|
~END~
人均
$277.00
| 商店 | CHOO CHOO |