點解既?!
|
|
MonkeyHin
2016-10-04
302
0
|
分享
收藏
屋企人(包括我),好鍾意食清心丸,有次咁啱講起,朋友就話一齊出九龍城買。 買完想去福佬村道食豆腐花。 食完見到附近有間居酒屋幾吸引就book左晚上食。 牆上有寫上一啲食物,例如蠔,海葡萄等。 但打開menu 見到熱石拉麵幾特别,究竟咩係來的。 原來係咩來的, 無啦啦有舊石響碗麵呢? 其實舊石係用嚟熱住碗麵,碗麵唔洗咁快凍。 朋友點左究極海老味噌拉麵,成碗麵充斥住蝦味,有啲似新加坡蝦面,咸味適中,湯夠濃郁,啱我地啲重口味人之餘仲唔會得個咸字,香味撲鼻。 面內的糖心蛋都做得很好, 半熟的狀態, 蛋黃邊位係小小熟, 起沙的, 裡面就呈溶溶地的流心感, 很香, 不由自主地每人叫多隻。 九州生蠔 如果去蠔吧自助餐同一般餐廳, 都只會食到法國, 澳州, 美國, 紐西蘭等蠔, 很少機會食到亞洲既蠔, 今次有呢度有九州蠔, 一於試下, 本來都諗住以試的心態叫了2雙, 點知實在超乎想像, 蠔味極濃, 肉質算爽而且厚,係海水味唔重, 只係少少咸, 而店都細心地放了點粗鹽在蠔的底部, 唔會令蠔搖恍, 令蠔在送來時蠔內的水倒掉而流失, 因為太好味, 叫多左幾隻。 燒明太子 明太子本身都好味, 有魚的咸香味, 燒埋會有啲焦香, 質地更實, 有微微既辣帶起左本身濃郁的鮮味, 不禁令人食指大動, 其實唔洗托紫菜同蘿蔔都已經好味。 嗰度食物質素算高, 令我地都食得開心, 不過如果有甜品點就更滿足了。
感謝MonkeyHin提供以上資料 MonkeyHin的網誌: http://www.openrice.com/zh/gourmet/reviews.htm?userid=533237&city=hongkong
|
~END~
人均
$238.00
商店 | 浜滝 |