|
久違的部隊鍋
|
|
yuchiro
2016-10-05
608
0
|
分享
收藏
| 八號風球走了，班仍要上，但返到公司其實又無咩做，hea下hea下，同事話放工去捉精靈，捨命陪君子，雖然無玩都可以一齊出黎食下飯嘅。 黎到銅鑼灣，同事話食韓國菜，揀左黎達人包車，貪佢地方大，碟頭大，地點又方便喎。 枱上有水，紙巾，仲有一個呼叫器，一按響鈴，侍應聽到鈴聲就會過黎。 前菜三樣，酸蘿蔔，粟米沙律同泡菜，味道蠻不錯的，喺其他食物未到前過過口引吧。 部隊鍋 $240 自從炸雞興起後，都好少叫部隊鍋了，好像熱潮減退了點。 一鍋入面有辛辣麵，芝士，午餐肉，腸仔，餃子，年糕，大蔥，茄汁豆等，雖然材料簡單，但加埋個辣辣湯底又真係幾正喎，個鍋唔係好深，但都好多料，絕對夠飽了。 粉絲餃子，因泡在鍋裏很久了，變得很淋，一夾即散，但吸了辣湯好好味喎。 另一樣正野就係個麵，就算煲左好耐都唔會淋哂㗎，辣湯加滆左嘅芝士，又彈牙，good！ 點了炸雞隨送的沙律，只有紅青椰菜同紅蘿蔔絲，簡單但睇落顏色靚，沙律醬有點蕃茄味又有點像千島醬，甜甜酸酸的，而菜亦很新鮮。 蜜糖炸雞 $180 主角炸雞到了，滿滿一盤呢。 炸粉不算厚，炸得很脆，內裏的雞肉仍很滑，熱辣辣好正。選了蜜糖味，甜甜的很香口，而且感覺上無咁熱氣，哈哈，自我感覺良好啦。除了雞，仲有幾件炸薯角伴碟，叫做唔係齋食雞啦 西柚特飲 / 芒果特飲 $50ea 飲品五十蚊杯算幾貴，但食雞好難唔叫番杯凍野飲，飲水就係無咁解渴。西柚有兩片，酸酸地帶柚子香，幾好飲呀。芒果我覺得太甜，但朋友話正，有果香喎。 韓國菜就係好大碟，兩個人叫兩樣野太飽了，只叫一樣又唔夠食，包走幾舊雞留明天加料吧
感謝yuchiro提供以上資料 yuchiro的網誌: http://www.openrice.com/zh/gourmet/reviews.htm?userid=444085&city=hongkong
|
~END~
人均
$280.00
| 商店 | 達人包車 (銅鑼灣店) |