這夜的人吃黃昏後，跟好友相約在Supergiant Tapas & Cocktail Bar吃充滿西班牙風情嘅Tapas。

果然係一間精品酒店內裏擺設精緻非常。

餐廳內環境優雅而舒適，還有我最喜愛的水晶吊燈。

作為一個主婦看見呢一隻問月碟，雙眼即時放光！！

先喝一杯酸味十足的{Moon Sour}$68如果大家好似車媽媽一樣咁喜歡酸的味道就一定要試呢一杯喇，喝下精神為之一振，令人胃口大開。

好友的伯爵茶，用上紫砂茶壺上檯極具玩味。

{傳統雞絲吐司}$98，賣相經以贏開巷的吐司，那個蕩漾的鵪鶉蛋黃， 令人垂涎欲滴！

西班牙嘅辣雞絲惹味十足，加上鵪鶉蛋的滋潤令整件多士香濃滑溜又香脆，帶給我們三重口感豐富非常。

{火腿二重奏}$248，左係48個月嘅Iberico黑毛豬風乾火腿，右係24個月嘅Serrano白毛豬風乾火腿，前者油潤鹹香味道香濃，而後者較則沒那麼重口味，但同樣軟滑可口。

{鮮味二重奏}$68，北海道香煎帶子配襯矜貴的西班牙黑魚子，味道甘香鮮甜，再配襯埋墊底的鮮甜蟹肉和南瓜汁，好吃得再沒話說啊~

{慢煮流心蛋}$78，邪惡的63度慢煮流心蛋，配襯軟中帶咬口的薯仔片，加上風乾火腿同埋辣肉腸，淨係睇見覺知道滋味，吃下簡直令人滿足非常喔！！

{滋味粒粒八爪魚}$158，用西班牙紅椒粉來烹調的八爪魚，吃下口感煙韌味道鮮甜，還有伴旁的薯粒也是精品來噢！但最畫龍點睛之處是旁邊的墨汁醋，很喜歡大廚的創意，十分成功俘虜了我心！

{松露火腿西多士}$108，講真這夜真的高潮迭起，再嚟哩個你估唔到嘅配合，出來竟然那麼融和！

煎香嘅法式西多夾雜著黑松露，火腿及蘋果粒，再將香甜蜜糖淋上，那種鹹甜交錯，令人意亂情迷！！

{蒜片黃金蝦}$148，一路品嚐著西式的食品，忽然間給了我們這個中式的驚喜！

絕對唔係我哋一般食開嘅蒜片黃金蝦，聰明嘅師傅用上鹹蛋黃同虎蝦一同炸香，加埋特色嘅墨汁米餅同蒜片我投降啦！實在太好味了。

{西班牙烤乳豬}$188，食西班牙菜又點可以唔食代表作烤乳豬呢！

乳豬件入口脆卜卜，加上青蘋果蓉令客人吃得更加爽口不膩，好吃萬分。

{鑊仔西班牙海鮮粉}$148，呢一個係由西班牙海鮮飯演變出來的，用上鮮蝦，大蜆同埋豬腩肉伴長通心粉。

吃下同樣係鮮味十足，但係換上了長通心粉後，感覺即時變爽絕對唔覺得漏喉，師傅係大成功呀！

終於到我期待嘅甜品環節！{手工粟米雪糕}$88，喜歡特別嘅甜品一定要試呢個，粟米味十足雪糕亦都唔過甜質感圓滑，而墊底嘅曲奇亦都鬆脆可口。

{傳統吉拿棒Churros}$88，西班牙鬼佬油條一定要試啦！但係佢嘅朱古力點醬係內有乾坤㗎！甜品師傅鬼馬地將朱古力醬加入少量嘅辣椒，吃下甜得來帶微辣好過癮呀！！

這兒的午餐聽聞十分優惠，百鬆啲蚊就可以享用三道菜，現在已經密謀約朋友來吃午餐呢！！