|
Lunch @ JW's Cafe
|
|
May姨blog
2016-10-14
728
0
|
分享
收藏
| 家姐生日，當然要帶佢去食好野啦。 佢堅持只肯午餐先應酬我，咁去邊好呢? 就專登放日假，近近地去金鐘食啦。 食自助餐，我事必飲碗熱湯先，今日有三款:粟米羮、合掌瓜老火湯、忌廉南瓜湯。三款入面，以合掌瓜湯較為出色。 上面四款，我只選吃魚，意想不到的好味，一D都唔鞋。 燒牛肉，唔啱我。 魚生片有五款，選吃四片，普通啦。冇胃納再encore。其他壽司款式，我一件都冇食過。 沙律菜，只吃了一片羅馬生菜。 原本想食西班牙火腿夾蜜瓜既，可惜覺得四款都太肥，唔想食。 冷盆十分豐富，幾款蟹、翡翠螺、青口、蝦等等，我淺嚐了蟹鉗及一隻蝦。 水果數款，我只吃了菠蘿，甜! 另一邊的沙律，我只要了水牛芝士蕃茄及一片黃椒。 吃得最多是茄子，我的最愛。 這個自助餐的回本項目，花膠。我只吃了一片。 我最喜歡吃萬豪的乳鴿，所以要了兩件。 開邊大蝦，賣相吸引，但比較鞋，真係晒咗D食材。 這就是我的是日冷盆。 甜品我只吃了焦糖燉蛋、一茶匙Tiramisu、兩粒菠蘿。 可能是因為我既童年陰影啦，Bread Pudding係我地上烹飪課其中一道菜，因為不愛甜食，當年自己做，新鮮出爐，都十萬個唔願意食，到今天都不會自願食。 其實甜品櫃都有相當多選擇，但我只吃了一款。 後勁不凌厲，只多吃一條菜、茄子、一粒魚及一粒燒賣。燒賣吃了一小口，出位幫家姐取辣椒油，侍應已經為我收起了。 家姐相當好胃口，吃了一大隻麵包蟹及其他食物，除了吃兩匙飯，還吃雲吞米。 這是她的自選甜品組合，再加上哈仔雪糕。 我就喝一杯香片、啖一杯雪糕作結。 吃自助餐不是我的強項，但我喜歡食物選擇多樣化。縱使我只吃得很少，能享受自由挑食的時光，也是幸福滿滿的啊!
感謝 May姨Blog 提供以上資料 May姨Blog的網誌: http://maylibibi.blogspot.hk/
|
~END~
| 商店 | JW 咖啡室 JW Cafe (舊名萬豪咖啡室 Marriott Cafe) |