邪惡芝士雞煲又黎啦
|
|
yuchiro
2016-10-14
226
0
|
分享
收藏
朋友話食芝士雞煲,仲以為去長沙灣食,原來銅鑼灣都開左分店,地方更大,坐位更舒服,價錢差不多,黎呢間新分店都唔錯喎。 食雞煲一定要叫野飲,除了一般汽水外,仲有加多寶,烏龍茶,奶茶咖啡等,選擇甚多,是晚要了烏龍茶 ($16),都係貴七仔少少啫,唔離譜啦。 主角黃金芝士雞煲,要了四人份量的大size ($188),雞件好多,芝味香濃。滿滿一煲雞,真係要唱返句,雞,全部都係雞,哈哈。 雞件嫩滑,大量芝士包著,真係好味又邪惡。 食完雞件就可加入芝士湯打邊爐,感覺上沒長沙灣分店般咸了。打了好一陣,湯也加了數回,不知是否改變了湯底口味,銅鑼灣店的不咸倒帶甜味,也許吃不慣吧,好像有點怪怪的。 先說說點了甚麼打邊爐吧,價錢中上,但用上靚料,而且沒加師傅,感覺不錯吃的。 雜菇拼盤 ($38) 有金菇,雞脾菇,蠔菇,同冬菇,新鮮厚肉,打邊爐一流。 蜂巢冰豆腐 ($35) 雪到冰一樣硬的蜂巢豆腐,需要長一點的時間滾熟,吸了芝士味好吃。 牛抗腩 ($98) 勁嫩滑無渣的,擺係煲耐啲都唔怕,越煲越入味。 粟米 ($28) 粟米好甜呀,打邊爐佳品。 手打五寶丸拼盤 ($88) 有牛丸,豬肉丸,鯪魚丸,墨魚丸同蝦丸,粒粒彈牙,個人至愛牛丸同墨魚丸。 油麥菜 ($35) 打邊爐梗系要條菜吸下油,吸左雞油牛油後,啲菜又甜又嫩,勁正。 炸響鈴 ($48) 邪惡之物,吸湯一流。 出前一丁 ($12x2) 最後要返個一丁埋尾,十二蚊一個ok啦。 飲飽食醉,大滿足呀~
感謝yuchiro提供以上資料 yuchiro的網誌: http://www.openrice.com/zh/gourmet/reviews.htm?userid=444085&city=hongkong
|
~END~
人均
$250.00
商店 | 米走雞 Deluxe (銅鑼灣店) |