抱歉,發生點錯誤。
重新載入
小朋友先飲Sangria ... 哈哈...
oasiswong
2016-10-23
418
0
分享
收藏
編文被彈回頭, 編輯大人話我違反《商品說明條例》, 真係無辜... 唯有再一字眼出多次... 唉...

天后的西班牙餐, 好似只有這間...., 店名ROJO, 西班牙文, 紅色熱情洋溢的意思. 全黑色的內部設計, 型格摩登, 酒吧和用餐區獨立分開, 酒吧適合同事朋友放工吹水, 用餐區與一般西餐廳無大分別, 適合天后區一家大細落嚟晚飯.

Rioja Vega Semi Crianza 2014 (100% Tempranillo) $54, 餐廳提供十多種紅白餐酒, 當中有新舊世界貨, 但House white 沒有西國貨, 今晚食西國菜, 點都要飲翻啖西國酒, So..., Sangria 如何?? sorry 囉..., 水果溝酒呢家野, 留翻比小朋友, 唔啱我.... 哈哈...   Tempranillo, 有一個好優雅的中文名: 丹魄, 其實就是傳統用來製Sangria的葡萄酒, 一般的介紹會認為其酒體會較豐厚, 但...又要多次sorry, 我真係唔多覺囉....,  西國葡萄酒屬舊世界貨, 葡萄酒專家很少推薦西國出品, 但無論如何, Tempranillo 這名稱, 已經成為西班牙酒的代號, 就好像智利的 Carmenere 和阿根廷的 Malbec 一樣. Tempranillo 是西班牙土生葡萄, 酒色較淺, 酸度中等, 專家話多用美國木桶陳年, 據聞可以增加酒體和複雜度, 以我咁低既程度, "酒體和複雜度"係對牛彈琴.. 哈哈哈... 

Gazpacho $58, 中文多寫為"番茄凍湯", 屬於西班牙南部Andalucía的名湯, 據聞傳統是窮人最愛的湯, 因為傳統做法, 一般用放了幾天的麵包、番茄、杏仁和橄欖攪伴而成, 當然, 發展到今天, 當然不只是窮人享用, 傳統食物總是伴隨有一大堆故事, 這是常識吧...., 凍湯最適宜夏天飲用, 三十多度的氣溫, 第一啖, 質感不算太杰, 少少甜, 番茄芳香清甜, 微微透心涼感覺. 

Pulpo potato $83, 餐牌上寫"Pulpo Potato", 西班牙加英文的菜名, Pulpo 是西班牙文"章魚", Potato... 是幼稚園都識的英文, 西班牙有一道菜 Pulpo a la Gallega,  是加利西亞風味的章魚, 都是用章魚和薯仔做成,   但就加入了 Paprika 辣椒粉煮成, 這店的Pulpo Potato, 沒有辣味, 可能為了適合一家大細享用, 最愛那些炒過的薯仔粒, 香口脆皮, 和彈牙的章魚粒一起入口, 配搭perfect! 

Garlic Prawns $68, 又是一款新創意的西班牙Tapas, 傳統的Garlic Prawns..., 一般的英文menu, 不用Prawns 而用Shrimp, 這裡不是幼稚園英文課, 不適合吹水了.... Prawns 又好..., Shrimp又好..., 西班牙文菜名就是 Gambas al Ajillo, 通常都是用橄欖油浸著上檯, 而今天這款Garlic Prawns, 蝦肉炒得頗為乾身, 伴碟的有炸得香口的蒜皮, 但一滴油都無, 女士應該食得放心吧...., 但... 對於我... "好味唔要命", 就寧願滿江油的蝦了... 哈哈...

Tortilla $68, 世界上有兩個國家都有這個菜名, 一是墨西哥薄餅, 另一就是西班牙蛋餅, 墨西哥的Tortilla, 是玉米粉薄餅, 而西班牙的Tortilla, 其實是"撻"的意思, 正式的菜名, 應該是Tortilla de Patatas, Patatas即薯仔, 先用橄欖油煮熟, 再加入蛋漿烹調而成, 蛋香薯仔軟,  質感結實厚身.

Tomato Anchovies Toast $58, 西班牙出晒名的Tapas, 西文是: Pan con Tomate, 沒有Anchovies 的意思, 當然餐廳可以變化多端, 加入多種食材再作改動, 用上了意大利鹹魚, 也是淡中有濃的另類選擇, 配搭也算得宜, 如果多士再烘燶一點...就very good了.

Garlic Chicken $168, 西班牙文是Pollo al Ajillo, 以前吃過多款不同做法, 有燒的, 有煎的, 有炸的, 也有乾身和濕身兩種, 但就未試過一款好似今天這碟放了大量炸蒜片的做法, 一般西班牙餐廳, 多用雞槌, 此店用了一隻大雞脾, 更有啖啖肉的口感. 

BBQ Fish $338, 店員向友人推介, 但餐牌搵唔到菜名, 反而有一款名為 Fish Salt Paste $338 的盬焗魚, 估計應該是同款不同口味的海鮮, 上檯時已聞到濃烈香味, 餐牌沒有說明是甚麼品種的魚, 看圖識字...., 又估... 應該係盲槽, 老老實實, 講煮魚.., 我的首選, 點都係中式蒸啦...! 但間中食吓不同國家的煮法, 也別有風味, 燒過的魚身, 特別香口, 魚肉嫩滑, 撈埋廚師特製的半辣半酸醬汁, 好開胃.

Churros $68, 食西班牙菜, 最後當然少不了西班牙甜品: 西班牙油炸鬼, 剛炸起, 超熱鬆脆, 蘸朱古力醬, 一流!


================================

感謝oasiswong提供以上資料

oasiswong的網誌: http://www.openrice.com/zh/gourmet/reviews.htm?userid=85184&city=hongkong


================================

~END~
人均 $250.00
商店