韓風在港未算强時韓劇迷的我經常見到戲中主角吃韓菜飲燒酒感覺超爽，好像吃到滿咀烏黑黑的炸醬麵，紅彤彤的韓式年糕，還有新鮮熱辣的韓式炸雞，全部都想吃呢！慶幸生於華洋集處之地想吃韓菜不用親身飛往泡菜國也能滿足口腹之慾！

知道位於大坑的新炸雞店由韓國遠道而來的TwoTwo Chicken在十開幕了，今天相約了幾位好友一同去叫雞呵呵呵~

淨係炸雞也有六款之多都唔知點揀好，人多好做作一於放肆的叫晒來吃吧哈哈！

餐廳內有一長型吧檯，話晒係賣炸雞和啤酒，這樣當然合襯啦！

另外店方更善用門口位置，將裝飾牆變身為半開放式吧位，果然係香港精神呀！

先來飲品吃炸雞咁重口味，都係要杯梳打水好喇！

整裝待發期待炸雞的來臨*^O^*

率先上場嘅係{原味炸雞}和{香蔥炸雞}各$78/半隻（$148一隻）。

原味炸雞味道正常，雞肉不鞋口，但未算十分有驚喜，香蔥炸雞多了蔥香的味道入口更添甘香，我比較喜歡它。

第二碟係{甜辣炸雞}，和香港限定的{麻辣炸雞}各$78/半隻。

呢兩款炸雞外表紅彤彤的十分誘人，而且香氣也十分濃郁，令人食指大動呢！甜辣炸雞用上韓式嘅甜辣醬泡製，吃下較濕潤而且香香甜甜好易入口，不過辣味對我嚟講只不過係輕輕的，如果可以再辣多一點更能討我歡心呢！

而麻辣炸雞香辣嘅味道也好出， 吃落亦都十分惹味，但係就比較乾身了一些囉！

{照燒汁炸雞}$78/半隻呢款炸雞會較為甜美可愛，喺咁多款雞之中最Juicy的款，。

最後呢款係{香蒜炸雞}$78/半隻，車媽媽最愛就係呢啲口臭嘢，外貌不出眾既炸雞蒜味十足，我表示十分喜歡啊～

另外我看見一個十分特別香辣海螺冷麵$88，賣相十分標緻的冷麵質地清爽，但都不及香辣惹味嘅海螺醬，內裏有數粒個子不小嘅螺肉質感軟淋煙韌，而且還有大量爽口椰菜相伴好吸引㗎！如果係用韓國粉絲唔知會否更好吃呢？？