久聞郵意cafe，以明信片及航海為主題，有三隻可愛小貓、寧靜、咖啡、明信片等等⋯好想去一轉，由銅鑼灣搬到去灣仔，近左我，假日即約個fd一齊去了。
餐廳位置在後巷，搶眼的紅色郵筒，門面是鮮明的藍白色，擺放了小艇，好易搵。
內堂寬敞闊絡，有空間感，裝潢以藍白木色為主調，牆上寫了一些文章及地圖，天花板掛了各地的明信片，木架上擺放的帆船模型十分搶眼，售賣不少特色明信片及文具等，還有一個亮點。
就是小貓-肥花，正在睡覺，好可愛。
紅、黃及藍色的蛋糕，好特別，但冇興趣試。
黑版上的menu，會見到：本店不設服務，絕對會黑面鬧人。霸氣，我欣賞XD 要注意：自律清靜，離開前請自收拾碗碟到水吧。 有wifi~good!
若如初見Rose cafe latte，$48，好靚的拉花呀，有少許玫瑰花瓣作點綴，咖啡香滑濃郁，有淡淡的玫瑰香氣，有水準之作。
Mocha，$45，友人的，試了點，香滑朱古力味。
All day breakfast，$88，有腸、煙肉、滑蛋、煙三文魚、沙律及焗豆等，十分豐富，兩個女子，2人share食都夠，腸外皮脆，好香口，滑蛋夠滑，其他正常水準。
Movenpick冧酒提子鮮果忌廉杯，$68，用的是Movenpick牌子雪糕，有好香的冧酒味，配上忌廉、香蕉及奇異果，香甜又好味呀。
拉花飲到底。
臨走去wc時見到第二隻貓，好可愛呀，第三隻可能匿埋了。
肥花訓醒了。
主題有意思，有興趣可即買張明信片寫來寄，同店員都唔算黑面，只係冇表情，冇服務，但咁仲好呀，更加自由自在，真正的寫意，好free，環境坐得舒服，食物味道不俗，咖啡是王道，價格合理，下次會再來呀。
灣仔安樂里地下D舖
| 
