燒牛肉真係有日本嘅感覺……
|
|
XsunnyX
2016-11-24
787
4
|
分享
收藏
2016-11-11 西洋菜北街就係呢度入去,轉左 唯一一間日本餐廳,即係無去錯 其他環境 舖頭 餐牌 $38紫蘇汁淮山 食落爽口,雖然應該係生嘅,但唔會有粘液 $78 溫泉蛋牛丼 原來溫泉蛋配牛肉飯好夾 牛肉肯定靚過吉野家好多,醬油唔會太甜 漬物係有少少麻油同Wasabi油嘅菇,清清地,開胃 味增湯有海帶,唔係好鹹 原來燒牛肉用酒精燈燒 $128 琥酌牛盛 原來吉列牛扒夜晚現有,所以侍應話如果想自己燒可以叫呢個 靚女介紹醬汁話右上係燒汁、芥末(其實係沙律醬)同柚子檸醋(呢個最清新得來唔會搶牛味) 山葵、七味海鹽、柚子胡椒(好似日本先見過有) 左邊係A5和牛,右邊係澳洲 左邊雪花唔係太均勻,唔知係咪真係A5,但除左油脂,都有少少牛味,同右邊肉味為主有另外一種感覺 雖然和牛多油啲,但都係燒澳洲牛先 白飯有木魚花,白飯好過上面嘅牛肉飯,因為唔會太林嘅珍珠米 +$10要左藍蝶花雪梨,底係雪梨茶,上面有少少蜂蜜味 |
~END~
商店 | 琥酌牛カツ居酒屋 |