|
｡oﾟ☆｡臥虎藏龍 ♥ 街坊甜品店 ♥ 甜品莊 ☆｡oﾟ
|
|
Kawai
2016-11-29
1131
0
|
分享
收藏
| 好多年前，在青衣教過手語興趣班，覺得青衣都幾大，好多相似的屋村名（長發長青宏無限多）但食方面就覺得就好像是無啖好食，btw可能我自己唔識搵吧！ 上星期，同朋友去左間街坊甜品店，估佢唔到店仔細細出品都幾正！ 傾多兩句發現甜品師傅是前酒店大廚，價錢唔貴，唉！最後發現自己屋企樓下連糖水都無。 既然是酒店班底，主攻西式甜品才是皇道。 提拉米蘇班戟伴雪糕$44 班㦸有鬆軟豐蛋香，雖然薄身但充滿空氣感，食落有少少煙靭感， 配搭的Tiramisu忌廉打得稠密，份量剛好不膩。 法式焗香草燴梨$52 燴梨一直都是我的至愛，因為工序繁複，好多甜品店都沒空做了。 大大個碟上台，驟眼看沒見到梨子蹤跡，只見到金黃色的焦糖燉蛋的鏡面。其實係香草汁，浸住梨片，焗過的梨片依然帶爽甜，同熱辣辣的香草汁都幾夾，配埋雲呢拿雪糕一熱一凍好正正子！（最重要是不膩口，我把香草汁都吃光光） 抹茶紅豆牛奶沙冰$32 抹茶紅豆是絕配，不用擔心不好吃吧，這裡的紅豆都是大大顆的，充滿咬口。 不過牛奶沙冰溶得快，而抹茶味不太濃，感覺就是未見突出。 三色雪糕香蕉船$42 相信每個人童年都香蕉船的回憶，見很久沒吃就點了一客。 傳統的芒果，雲尼拿，草莓雪糕各一球，伴以香蕉及脆餠，都是Standard 的配搭， 我覺得回憶中的比較吸引就是。 因為店舖舊舊的，先入為主覺得食物都是普通的，但看見門外貼滿了不同雜誌的訪問就試試看，估不到街坊小店出品都不錯。食完仲可以花10分鐘步行到青衣站，打道回府。 甜品莊 青衣楓樹窩路1號翠怡商場地下G32號舖 For Collaboration and Invitation, Please send to : littlecatt@gmail.com FB Page: Kawai / Small Talk Corner Blogspot。TheZtyle。Beautylife。FanPiece。 BECB＠Beautyexchange。Openrice。 She.com。U lifestyle。Weshare
感謝 Kawai 提供以上資料 Kawai的網誌: http://iamkawai.blogspot.hk/
|
~END~
| 商店 |