暑假大家可能會放假一家大細去睇Finding Dory電影，但係我哋去睇舞台劇仲多過入戲院，今日去欣賞由夢飛行合家歡劇團重新編寫的劇目「賣火柴的小女孩」

劇未開始先喺場外影吓相，佢哋攞嘅Pose同套劇目好唔夾囉，哥哥你係嚟睇恐怖片嗎？

準備開始啦！我哋坐第3行可以近距離睇到每個演員的演出 Yeah～

每一次睇舞台劇最失望就係冇得拍攝，唔可以影低同大家分享，當然我都知道這是版權問題，慎防有人盗錄放上網！

唯有睇之前同中場休息影幾張相俾大家睇啦！一個場景貫穿整套劇，「賣火柴的小女孩」個劇情咁慘，究竟佢點樣改寫成一個新嘅故事呢？

中場休息，小朋友都衝去台前欣賞佈景同埋影吓相咁，當然包括我在內！

兩個喺度玩劇中飛落嚟扮雪嘅紙碎！

劇終！好好～好睇，估唔到佢可以改寫出咁精采嘅故事，絕無冷場，有笑有淚！老實講我自己都有三幕戲流咗眼淚... 嗚嗚嗚～(自己買飛睇啦！)

最後仲同劇中所有演員合照㖭！妹妹去咗邊？佢又驚匿埋咗囉...

Photo by CANON 5D Mark III, Len | EF 24-70mm f/2.8L USM

Facebook專頁: 呀劍萬帥 kimfamilytravel

Blog網誌 : kimfamilytravel.blogspot.hk