抱歉,發生點錯誤。
重新載入
Happy Together
戀吃車媽媽
2017-01-01
468
4
分享
收藏

來到第三天的火鍋特集大家有冇啲熱氣呢哈哈!今日介紹嘅係位於尖沙咀的同人鍋亦都係任點任食的放題火鍋,不過呢度有矜貴就海鮮???外仲有雞煲食添?。

位於山林道的同人鍋門口好易認,踏入門後拾級而上便是火鍋區的用餐位置。

先介紹一下呢度嘅收費先,逢星期日至四係無限時任飲任食,每位只係$288/小童$228位,星期五,六,公眾假期或公眾假期前夕就會有時間限制不過都有2.5小時,而且每位都只不過都係加$10,講緊三百蚊???多啲好似好抵食喎!等我同車爸爸身先士卒看看是否值回票價先。


這兒地方簡潔乾淨沒有多餘的裝修,其實我係好鍾意這樣的店子,我相信如果店子將裝修的本錢放進食物成本內,這樣應令客人吃得更開心。

而店方亦十分貼心會有櫃桶可給客人擺放雜物或者掛褸?。


好喇坐低睇下究竟有咩好嘢食先。

店方有會員制幫襯得越多折扣就越多,最高可享8折優惠,本身已經唔係貴㗎啦有埋折扣就更加抵食喔!


飲品方面麻雀雖小五臟俱全,汽水,果汁樣樣有齊,全部都係任飲的。

而且還有自家製蜂蜜菊花茶和菊花薑蜜?,打邊爐咁燥飲返啲菊花清清熱也不錯。


首先會送上雞煲給客人品嚐,放上雞煲後侍應會將米線撈入雞煲中。


真係要一讚呢度嘅雞煲醬汁十分濃香惹味,只點了少辣也十分好味,最重要係雞肉有鮮味而且十分嫩滑,仲要份量超級大呢!

提提大家一定要點這個脆響鈴,自家製即炸熱辣辣鬆脆非常,用來索雞煲汁醬吃好食都冇朋友喔。

吃罷惹味雞煲後係時候要打邊爐嚕,呢度最特別嘅地方佢係用矜貴的花膠雞湯或者原隻龍蝦湯底奉客,任食火鍋少有咁重料。

原隻龍蝦超爆膏亦都好新鮮,而湯底內裏有很多蕃茄薯仔味道好鮮甜。


湯底預備好後就會送上火鍋拼盤給客人,內有多款丸子,餃子,鮮菇及腐皮等。

另外還有海鮮拼盤內裏除了鮑魚和象拔蚌係位上的,其餘都係任叫任食的,如廣島蠔,魷魚?,與及海蝦?。

另外有肥牛一碟,車爸爸話都妊有牛味。

另外還有蔬菜籃一個,生菜配學斗。

鮑魚輕灼3分鐘已可吃,質感十分軟淋而且味道好鮮甜,新鮮又好味道。

而象拔蚌仔只需輕輕灼分多鐘便可食用,入口亦是鮮甜無比,而且肉質好軟滑一點也不韌。

仲有呢粒韮菜餃係店家自己包的,皮薄餡足唔食走寶呀。 

 吃罷以上店方供應的拼盤後,如果覺得唔夠喉就可以喺呢一份菜牌內任選其他食物,真係任食唔嬲㗎!

不過食完兩個拼盤同埋雞煲後已經好滿足,但係我發現咗呢度有一個好好好味嘅水晶包,忍唔住食完一粒有一粒。

水晶包有兩隻口味一隻係綠茶?,另一隻係紫薯?。

淥熟後的水晶包外皮煙煙韌韌,內裏包住抹茶餡料味道都幾出色㗎,而且帶有少少椰香味,成件事好特別好好食啊~

紫薯煮到通透後樣子十分吸引呢!味道有淡淡紫薯香,但係我就覺得綠茶比較好味DD。


我覺得同人鍋真係好貼心,除咗佢對客人那份關注外,在聖誕節前竟然會自己焗曲奇送比客人?,我覺得呢一點得好窩心?,隨曲奇還附上9折卡一張,我相信我好快會再去幫襯呢。

~END~
商店 同人鍋
EEChan2017-01-01 16:28:52
+ 追隨
舉報
新年快樂? !事事如意
好介紹呀!
回覆
戀吃車媽媽2017-01-02 00:18:06
+ 追隨
舉報
新年快樂
原文由EEChan於2017-01-01 16:28:52發表
新年快樂? !事事如意
好介紹呀!
回覆
味之素2017-01-08 16:11:04
+ 追隨
舉報
新年快樂~~
好抵食呀~
回覆
戀吃車媽媽2017-01-09 00:09:53
+ 追隨
舉報
新年快樂,任食可放肆咁食好抵haha~
原文由味之素於2017-01-08 16:11:04發表
新年快樂~~
好抵食呀~
回覆