厚福街呢條小小嘅街道我經常會行經，而且成日都會見到呢一間椰林越南菜館 ，但不知何解又總係未試過入去食嘢喎！

這天出尖沙咀整指甲?終於去了這間椰林越南小館吃午餐了！

適逢下午茶時間就更見抵食，最便宜的套餐只須$37已有交易。

下午茶套餐可以任選越式特飲?，唔需要額外加錢感覺好抵喔！我就揀咗呢款鹹檸梳打，咸檸檬都好夠香可惜嘅係梳打唔係好夠氣，不過唔需要額外加錢就可以點飲特飲已經可以接受啦！

越南粉我就最鍾意食雞絲湯河$37?，而且內裏有不少雞絲，加上香口的洋蔥，乾蔥配合鮮味不俗的上湯，質素都幾唔錯呀。

而餐廳選用的河粉夠都滑身入口唔會過淋，整體配合不錯，但我下次要再去試下佢嘅咖哩先得，因為同檯那位女士嗰碗咖哩牛腩飯真係香到不得了，我見到除咗牛腩咖哩還有咖哩雞肉可選，下次一定要試下先得?。