【2016 年 11 月 27 日】

上次與囡囡食過這兒的芭菲後，她成日都話想再嚟食過

今次仲帶埋儍爸與細佬一起來嘆個下午茶

不太愛食甜品的儍爸就點兩款小食 ... 蜂蜜芝士薄餅 + 鐵板龜田炸雞

蜂蜜芝士薄餅用上藍芝士及水牛芝士，一上枱已經聞到香濃的芝士味

隨芝士附上一小瓶蜂蜜，食之前才淋上蜂蜜，可以自己調校喜愛的甜度

薄餅底夠乾身又脆口，芝士咸咸香香再加甜滋滋的蜂蜜

估不到會咁夾，食多兩件都唔覺膩

鐵板上枱的 ... 鐵板龜田炸雞 ... 熱氣騰騰，香氣四溢

炸雞的脆漿不是太厚，雞肉嫩滑，不太油膩

記住點少少甜甜地的日式醬汁和日本大蒽一起食

之後就到了囝囝囡囡最期待的甜品時間 ...

黑加侖子日本巨峰雪糕芭菲 + 脆脆抹茶軟雪糕芭菲

兩款芭菲的最底層是水果粒、接著是軟雪糕和脆米

不同的是面層的雪糕和配料

囝囝最鍾意脆脆抹茶軟雪糕芭菲最面層的抹茶脆皮

味道酸酸甜甜的黑加侖子日本巨峰雪糕芭菲就啱哂囡囡

Ufufu Cafe

香港 九龍 尖沙咀 金馬倫道 5 號 太興廣場 5 樓

https://www.facebook.com/Ufufucafehk/

** 以上分享是以我的口味、喜好和情況作出分享和感受，一試 / 合用與否請自行決定