萊茵河?是一條歐洲國際的河流，發源於瑞士阿爾卑斯山區，流o經奧地利，德國，法國最終流入荷蘭，是歐洲最長河流之一，想到這裏都想像到萊茵河畔有多秀麗，可惜暫時未能遠行的車媽媽未能親去欣賞這自然風光，那唯有去萊茵河Rhine River一嚐美味吧！

現時真的不能忽視荃灣區食肆的潛力，像這間萊茵河餐廳看似一般普通西餐廳，但內裏蘊藏著不少心思和味道！

好友喜歡飲兩杯當然要啤啤佢啦！這款比利時啤酒?$68，坊間較為少見還配上那可愛的啤酒杯真的十分合襯！

好友給我試了一口麥味十分香濃口感順滑，聽聞還有生啤供應可惜這夜沒貨相信風味應更佳。

另一款名叫琥珀的手工啤$68，又係配上十分特別的酒杯?，這點絕對係加分位，這款我就冇試啦！但朋友好像喜歡比利時的出品多一點！

蟹肉柚子雜菜沙律?$78， 沙律菜好新鮮而且還有西柚在內增添清新香氣，雖然蟹肉係罐頭貨但味道亦尚算不俗，這個價錢都收貨啦！

這個黑松露薯條??$45就充滿驚喜，薯香滿滿加上不少的黑松露醬香氣撲鼻，吃下軟糯可口確實值得好好欣賞。

鐵板芝士炸雞?$68這個菜超讚，用上雞全翼配以邪惡的芝士，還要鐵板上呢個組合多誘惑喔！

雞翼炸得香脆乾身點上邪惡的芝士，真的令人無法抵擋肥死都抵呀?！

63度溫泉蛋鰻魚漢堡?$88，這個漢堡創意十足，內裏有半條鰻魚加上香甜的鰻魚汁以及鮮茄?和新鮮的蔬菜?，當然還有主角一顆溫泉蛋?，全份賣相都好澎湃好誘人呀！

這個鰻魚漢堡吃下去充滿和式風味，食慣肉類漢堡轉一轉吃魚又唔錯喎！而且又不像炸魚柳咁又熱氣，但係如果鰻魚能再軟滑多點便更加吸引。

這份慢烤德國豬手?$188如果大家想食記住一坐低就要點喇！因為呢個需時起碼要30分鐘先至可以上檯，這樣證明了餐廳係即叫即煮囉！

等咗30分鐘慢烤德國豬手終於上檯了，給我們影完相後餐廳會好貼心的給我們分贓?，豬手烤傳皮脆肉嫩又唔會過鹹確是水準之作，而且呢個價錢我覺得絕對抵食，還有墊底的酸椰菜大家都唔好放過呀好好吃的。

餐廳甜品選擇唔多就全部點上吧！慢煮紅酒梨?$48平時我都唔係太喜歡吃紅酒煮梨但這個我也不抗拒，紅酒味夠突出梨身軟淋不爛，這兒的出品確實可媲美酒店出品呢！

慢煮焦糖菠蘿配雲呢拿雪糕??$48，熟悉車媽媽的朋友都知我一見到菠蘿就沒有抵抗能力的，這個甜品雖然冇乜大驚喜，不過有菠蘿對我嚟講已經滿足了！

最後這款係朱古力心太軟配雪糕?? $48，這個朱古力心太軟都算交足功課嘞切開有朱古力流心，蛋糕焗得尚算香口配襯雪糕一齊吃冷熱交融便是心太軟的魅力！