坦白講車媽媽吃自助餐的數目真的不少?，通常有質素的都起碼要＄400 起跳，不過近日俾我發現咗香港逸東酒店的都會自助餐廳 Metro Buffet & Grill有個超正又平霸的{地道海鮮風味自助晚餐}還做緊買一送一呀！等我帶大家睇下係咪真係咁抵食啦?！

一踏進餐廳車媽媽經已經心心眼了?，因為餐廳放在一架Movenpick的雪糕車在內，車內還供應足足11款Movenpick雪糕???，淨係這一點雪糕迷經已覺得值回票價啦是嗎？

另一樣亦都係令甜魔輕易著迷的便是這個豐富的Dessert Corner????。

新鮮的切粒生果見到我最愛的菠蘿?車媽媽又咀角又微翹了?。

當晚見到最受小朋友歡迎的朱古力噴泉，還有 十多款配料汁醬可選好豐富啊~

基本的麵包布甸，夾餅，葡撻，棉花糖都應有盡有。

而蛋糕方面款式亦都十分之多，如有芒果慕斯蛋糕，紅桑子絲絨蛋糕，?鮮果香酒果凍，意式奶凍及焦糖燉蛋?等等，總有一款合您心意啩！

這個美國1855牛肩扒?唔好睇佢薄切切呀！連老饕都大讚好吃呢！

另外還有一些燒烤美食，有我最愛的燒菠蘿?，冬菇?，蒜味牛油雞髀菇，青口，魷魚?及粟米?等~

而且亦都有即製湯麵檔?，啱晒需要澱粉質的朋友呢！

印式炸雜菜，印式燒餅，印度雜菜咖哩，牛油雞咖哩的味道都十分唔錯喔！

而熱葷方面會有椒鹽鮮蝦?，煙肉三色螺絲粉配忌廉汁，香橙雞扒配燒汁，芝士白汁焗蠔，辣酒煮螺?蒸原條比目魚?，蒜蓉粉絲蒸翠玉瓜及炒飯等等。

還有新鮮的麵包供應，另湯品方面有椰菜花忌廉湯，和日月魚金甘筍煲豬骨湯?。

自助餐都必定有的刺身這兒當然都有供應啦！

選擇雖然唔算好多但平常大家吃開的三文魚，鯛魚以及吞拿魚?和八爪魚?，都有源源不絕供應。

另外一些前菜，壽司卷物，煙三文魚以及凍肉亦都一應俱全。

仲有大家也愛吃的海鮮，這兒的陣容易也很強勁喔！

有鮮紅誘惑的小龍蝦，本地鮮甜的瀨尿蝦。翡翠螺，還有藍青口，半殼青口，及海蝦，看得我口水直流呢。

這兒的自助餐亦不乏生蠔供應，這天的貨色係紐西蘭生蠔，小小的一隻也挺鮮甜喔！

喜歡綠色??的朋友亦不會失望，這兒的沙律吧選擇亦都不算少，有我最愛的 火箭菜和車厘茄都已經夠我樂透了！

飲品有自助的咖啡，奶茶，這一個自助餐是否很無敵呢！大家覺得這一餐值多少錢呀？待我餵飽肚子後喺文章的末段車媽媽自會揭曉。

先來一碟沙律及前菜，全部都好新鮮爽脆，煙三文魚亦油潤嫩滑，打了底希望一陣沒吃得那麼兇狠便好了?！

今天供應的是紐西蘭生蠔，入口會較為Creamy鮮甜味都唔錯而且仲好新鮮呢。

凍海鮮當然要食瀨尿蝦啦！車媽媽自幼得到車婆婆的訓練，剝瀨尿蝦亦難不了我，另外小龍蝦味道唔會過鹹，肉質亦夠實淨好新鮮，另外還有這兒的生果亦都十分鮮甜，菠蘿?酸甜醒胃，西瓜?清甜多汁，哈蜜瓜?亦成熟香甜，這夜我吃了不少啊~

這個辣酒煮翡翠螺?十分有驚喜，螺肉好嫩滑唔會有過韌的情況，而且辣味都入到在內我十分喜歡呀，不過胃弱的我只敢吃一隻咋！

到吃熱辣辣美食的時候，兩隻湯都分別取了少許來試，椰菜花忌廉湯十分香滑，另外中式的日月魚甘筍豬骨湯則火侯十足，味道甘甜滋潤。

我十分喜歡這兒的咖哩?，香氣滿滿配上印度米同吃食十分之惹味，另外燒菠蘿?更加係我首選美食啦！而蔬菜方面蒜蓉蒸翠玉瓜這個配搭好新鮮，而且味道都幾夾喎！呢個可以喺羅家飯試下呢，仲有椒鹽蝦?都係新鮮紮實又夠味架！

這碗係好友的自組粉麵?，真係好大碗好澎湃呀！相信熟悉我們的人都知呢一位好友是誰啦哈哈哈.........

輪到甜品環節坦白講蛋糕我已經吃不下了！只取了白酒啫喱，芒果布甸及意式奶凍三款，其實幾款味道都十分不錯，但我最喜歡係白酒啫喱，音幽香的酒味又唔會過甜，最重要係有粒士多啤梨?呀嘛！

我都唔記得影原來仲有即焗梳乎厘，啱啱焗起熱辣辣吃下去確實好有滿足感，不過這個梳乎厘味會扁甜。

最後當然要食雪糕啦?只係輕輕點了三球，揀咗比較能消滯的青檸雪葩，士多啤梨雪糕和冧酒提子雪糕，呢三款都係我嘅至愛喔！

多謝大家陪我一齊享受完整一頓自助餐，係時候要話畀大家知究竟有幾抵食啦！逢星期一至四成人！448/位，小童＄348/位，還可享有買一送一優惠，另外星期五至日也可享有 65折優惠，大家話係唔係抵到痺呀！仲有呀細細聲話畀大家知，逢星期一至五{國際海鮮薈萃自助午餐}成人＄218/位，小童＄158/位，同樣有買一送一優惠喔！快餐店價錢畀多少少就可享自助餐唔去食真係對唔住自己囉！?