香港地道美食車已經經營咗一段時間車媽媽還沒有什麼興致想去幫襯，原因是我覺得位置方面真係有些奇怪，不過聽聞其中一架{豪園小食美食車} 係主打潮州新美食便令沒有興致的我有去吃的衝動了！所以上星期碰巧在中環附近便拉埋好友一齊去品嚐美食車啦！

美食車擺放的位置真的令人有點兒難找，已經找到最後面的十號碼頭還未到，原來還要向前行屈咗埋一邊，而附近亦都看不見有指示給食客或遊客引路，這點真的不像政府說的那樣落力推廣美食車啊~

好啦廢話少講！等我睇睇豪園小食美食車有什麼潮州美食先~

喜歡飲凍檸茶的我一眼便盯上這個檸茶BB＄28，(套餐價＄18)，用上好特別的方法來配製這杯檸茶冰冰，原來它將檸檬肉和皮都打蓉混合入在內，其實這個做法好危險，因為茶會好易反而檸檬皮則會令到茶帶苦澀味，不過豪園的檸茶BB絕對冇以上問題，而且還茶香十足，檸檬味亦都好甘香呢！

上星期美食車在中環海濱長廊經營時還推出了期間限定一蚊一隻炸一字雞翼(原價＄38/8件)，沒有附帶條件下可以買8件，想吃多些唔係冇辦法，只要額外消費就可以換最多16件啊，咪以為特價嘢會好Hea呀！其實炸得鹹香又脆口真係好鬼抵食㗎！不過這星期搬往灣仔金紫荊經營後雖然沒有了特價雞翼，但係會推出另外的美食優惠。

另外還有特色的是否西多士＄28/6件，和超級入味滷爆茶葉蛋＄10/隻＄18/2隻。

鹵爆茶葉蛋吃下鹵水味十分香濃很惹味，而且質感不會乾爭爭，這個鹵水蛋係車媽媽的心水推介呀！

是否西多一口一件的造型十分方便，炸得香脆的麵包包裹著海鮮內餡吃下十分香脆，而且質感好豐富都係必食之選呀！

以上美食全部都係上星期我喺中環吃的，而今個星期由3月21日至4月2日美食車已經搬往灣仔金紫荊廣場營業了，時間由中午十二時到晚上七時半。

而今個星期推出的特色美食便是一口豪園原價＄28/4粒，但是只要即場like豪園小食Fan Page或者Upload相片到IG#豪園小食，就可以用優惠價＄18購買一口豪園或是否西多一客。

這個一口豪園係潮州蠔餅的變奏版，內裏用彈牙的蝦膠，墨魚膠作底，再加入肉碎，鴨蛋同埋新鮮的蠔仔泡製而成，外層炸得金黃香口，吃下內裡彈牙多汁，一粒一粒放入口食真係好過癮㗎！

果然真係潮州美食原來這兒還有功夫茶飲㗎！賣價都只係5蚊真係抵到爛喔！