早兩星期是我和儍爸的結婚周年

趁兩隻小魔怪返了學，我們倆老就拍拖拖食大餐慶祝

儍爸揀了間位於銅鑼灣的樓上韓國料理

這兒採用開放式廚房，樓底夠高，設計簡潔舒服

店員大多是韓籍的靚女和靚仔 OPPA，仲有個投射大螢幕不停播韓國 MV，好有氣氛

前菜 ...

雜菜沙律用上特製的柚子醋汁，酸酸甜甜的很開胃

而看上去很似紅菜頭的前菜

原來是用紅菜頭汁醃製而成的蘿蔔條，食起來酸酸的，食完炸雞食幾條可以解油膩 ~~~

儍爸好叻叻的點了份 ... 米酒豬腳套餐 ... 好大盤呢 !!!

除了有一大份豬腳、辣醬、包菜，仲有一大呈米酒 ...

咁就可以乾杯慶祝我們的印花婚 ... Cheers

這呈韓國米酒除了好夠份量，也好好飲

入口甜甜地好易入口，飲落去好似汽水咁有汽，不太好酒的我也飲了兩大碗

韓式豬腳也是好夠份量，已經切片方便食用

豬皮位好爽滑，仲有滿滿的骨膠原，食落去也不會覺膩滯

配料都有幾款，夾點酸辣蘿蔔條一起食就 fresh 點、

點韓式辣醬一起食就惹味點、用大白菜或者生菜包著食就健康點

韓式魷魚炸雞 ... 

有齊韓式料理必食的炸雞和儍爸至愛的魷魚，當然要點喇 !!!

嘩 !!! 又是好大份、好夠份量呢 !!!

下面的炸雞、薯仔、粟米，上面是一整隻炸魷魚

上枱後，店員會細心的剪開炸魷魚

炸漿不太厚，魷魚新鮮又彈牙

炸雞不會炸到乾乾的，雞肉仲好嫩滑

仲有四款醬汁比你點來食 ... 白色的沙律醬、黃色的蜜糖芥末醬、韓式醬油、韓式甜辣醬

而我就鍾意蜜糖芥末醬多點

最後，還有 ... 海鮮蔥餅

超多蔥和海鮮，配料比粉漿還要多，所以外皮不會很焦脆

但是食落去是鮮甜彈牙的海鮮和軟軟的很香青蔥的味道

Bingo & Cook Korean Cafe

香港 銅鑼灣 駱克道 487-489 號 駱克駅 2 樓

** 以上分享是以我的口味、喜好和情況作分享及感受，一試 / 合用與否請自行決定