行山樂。鶴咀海岸保護區
|
|
Yanomi
2017-04-18
878
0
|
分享
收藏
4月16日(星期日..復活節Day 3)~4日假期打算睇下狀態+天氣 搵日去行山~早排老闆有fd行完"鶴咀"..叫老闆有時間去行下 佢話依日同我去行..有d興奮到瞓唔著(哈哈)~未夠6點就醒左 打掃完屋企+洗埋衫..7:30嘈醒左老闆~等賴夠床.. 梳洗完..準備埋少少食糧~9:30出發食早餐 之後坐港鐵去筲箕灣站..轉9號新巴(筲箕灣>石澳) 車程唔耐..中途(鶴咀站)落車~是日行山活動..正式開始(GO!) 前段全部係平坦石屎路 沿途海景景觀 去到電台禁區..炒小路入去 依日假期..好多人去鶴咀 沿鐵欄邊行 垃圾灣..真係好多垃圾~早年已經有好多團體向政府反映過 食環署又咁又咁乜乜乜~最終由義工團體合作清走重量級垃圾 真係唔知..政府所有部門係點管理工作? 定純粹hea等出糧? Area 51??? 沿途仲有個分叉支路..可以去懸崖睇燈塔遠景 老闆話..回頭先行~回頭又攰又熱..最終無去到 香港大學太古海洋科學研究所 海岸保護區內~所有人既一舉一動..遠遠都被監測住 有幾個人係海灘唔知執貝殼/石頭..隨即有廣播警告 再唔停手會即時報警處理 (其實入口都有指示牌~寫明唔可以做乜乜乜..唔明d人偏要做) 雷音洞入口 洞內真係超清涼爽 好多人擁住影相呢 入口位置..要爬少少石先入到黎 向上望..石洞 上燈塔既石梯路封左~可以係石灘爬石轉秘道上去 不過老闆話太危險..唔去! 殺人鯨.."海威"既骸骨標本 感覺好似守護住整個海岸區 對面係"狗髀洲" 完全唔似既..蟹洞 殺人鯨骸骨後方開始..全碎石區 入蟹洞休息下先..勁涼爽 洞內環境 離開蟹洞..爬石上高點 見到我嗎? 同老闆好遙遠 上到去另一個海蝕洞~唔敢行太出..驚d石已經風化隨時碎散 右邊懸崖景 "機艙堡"~去程見d人自備晒手套..準備由小路行落去 聽佢地講要爬石~我地無手套..回程諗住同老闆落去睇下 行行行..真係行唔到就返轉頭~點知..行左一段之後 老闆見到4個金塔~就即刻叫我走! (駛唔駛咁驚呀? 我覺得佢唔想行囉) 唯有回程遠影一張~真係好想落去..d水好靚呢 尾段入村食左碗糖水~來回程連hea..用左3h30m 鶴咀環境真係好靚~閒日黎仲更加好呢
感謝 Yanomi 提供以上資料 Yanomi的網誌: http://yanomichung.blogspot.hk//
|
~END~
商店 |