|
Handmade。Face Cream/Moisturizing Cream
|
|
Yanomi
2017-04-20
1214
0
|
分享
收藏
2月試整既"Hand/Body Cream"~質感好薄好輕盈 加上果時仲係冬天~滋潤度唔太夠..比較適合夏天用 200ml好耐用..仲用剩約50ml~依家夏天用真係好適合呢 早排媽咪叫我..幫佢買用開既馬油面霜~反正屋企有原料 問佢有無興趣試試DIY cream~起碼用咩原料都清楚ma 加上我都想進階研究..可以令皮膚滋潤更吸收又唔太油膩既 媽咪話好! 咁就研究整個"Face Cream/Moisturizing Cream" 今次特別加入甘油 & 乳木果脂~"甘油"之前介紹過 本身好易吸收~但配搭中..整體油份比例太多~驚質地會散 所以再加"乳木果脂"..平衡及加厚整個cream既質感 同時.."乳木果脂"易吸收中~又有強力補濕/滋潤功效 正正因為乳木果脂係固體~待自然冷卻後..可以加厚整個質感 用燒杯..隔水溶成液體~待暖備用 將蘆薈gal, 甘油, 椰子油先打發成cream狀 屋企無serum存貨~下次訂左..會加入去再整比媽咪 serum有緊緻皮膚作用~等媽咪當face cream用更加有效 打發完成..再加入乳木果脂 待完全拌勻..Face Cream/Moisturizing Cream就完成了! 乾淨樽預先消毒~再直接倒入即可 因為爸爸氣管好敏感..有香料味成份既野都唔聞得 所以依樽(100ml)無加任何香薰~只有微微乳木果脂味 整完媽咪果樽..我再加d薰衣草精油再打發 淡淡香薰味~感覺好舒服呢 未用既cream..可以封口放陰涼處保存 我主要當hand cream帶出街/係屋企用 本身天氣乾燥~隻手少少刺激又好易主婦手發作 行鶴咀果日..可能用得太多消毒濕紙巾~隻手指公又爆裂 之後用左依支cream幾次~傷口好快修補滋潤返皮膚 加入甘油 & 乳木果脂~真係比之前更加滋潤皮膚 搽完表皮睇..好似有層薄油~但好快就吸收晒+唔笠 同埋睇到明顯分別~洗完手..搽ed左手~皮膚組織係回復菱型 右手無搽..皮膚組織係繃緊拉成長型的 整體依個進階研究好唔錯~質感比前次厚身少少 滋潤度大為提升..皮膚唔笠+好快吸收 製作方法 (約250ml) : 1. 99% Aloe Vera (180ml) 2. Fractionated Coconut Oil (45ml) 3. 甘油 (15ml) 4. 乳木果脂 (30ml) 5. 純香薰精油 (10滴) 1. 將乳木果脂放燒杯內，隔水溶成液體..備用 2. 其他原材料打發成cream狀，再加入乳木果脂液完全打發..即成
感謝 Yanomi 提供以上資料 Yanomi的網誌: http://yanomichung.blogspot.hk//
|
~END~
| 商店 |