自從第一次吃過L'Eclair de Genie的閃電泡芙後便深深被它吸引著，其實自從進駐香港後在很多甜品店及酒店亦不時遇到閃電泡芙的蹤影，不過講到底還是最愛L'Eclair de Genie的出品。

經常心思思想食閃電泡芙的我趁著這這天在太古城便走去新店買泡芙啦，原本的Pop-Up Store原來已經進駐入太古城中心二樓內的專門店！

店子環境更見寬敞內有有少量座位可供堂食用，環境清靜又舒服行得攰攰哋坐底吃件泡芙都不錯呢！

看見整齊排列的閃電泡芙向我招手真的令我心花怒放，與此同時選擇困難症亦都出現了哈哈........

原來還推出了自選口味生日泡芙，還可以印上壽星的名字，應該要話比車爸爸聽我生日買呢個就得啦嘻嘻！

在很難選擇的情況下終於選了四款心水口味的泡芙出來，左起係 3號仔雲呢拿果仁泡芙＄45，1號仔海鹽焦糖泡芙＄38，122號仔的士多啤梨泡芙＄48，最後的是135號仔菠蘿青檸泡芙＄45。

而且還選了全新推出的貝殼蛋糕有四款口味，包括抹茶，士多啤梨，檸檬及黑芝麻，每件＄15好難選擇之下當然要晒四款啦！

貝殼蛋糕質感鬆軟亦夠濕潤，而特別之處是打破傳統在蛋糕面層添上不同口味的朱古力外層很有特色，而家只要喺太古城或apm專門店買兩條泡芙就可以免費獲贈一件貝殼蛋糕，去到6月18號咋想免費試吃的朋友就快快去買喇！

不過我當然唔會始亂終棄還是最愛它家的閃電泡芙，1號仔和3號仔係我經常愛吃的口味唔使多講都知美味，而菠蘿青檸泡芙則十分有驚喜，酸酸甜甜最啱我口味，這味道令人感受到夏天的熱情奔放，而士多啤梨泡芙則香甜不膩，吃罷真的大滿足啊~

久未喝咖啡的我見到這知Brew Coffee又心思思想飲！咁就要一支試下啦，確實黑咖啡配甜絕對係天作之合，而這個咖啡亦都沒有帶酸的味道我也算喜歡呀！但我只敢每天喝一兩口因為飲得多胃真係會唔舒服呢！