星期六(9/9)和友人到你們觀塘尚宴食佢$68點心1.5小時放題! 我地該日上午11:01入座，因為團購得1.5小時，仲要last order時段係完結前半小時。所以一坐低已把握時間寫點心紙然後給侍應。但係等到11:20都見未有野食上枱。所以都叫左個女侍應幫手追單! 我們同佢講因為團購有限時嫁，我地其實order左等到宜家都接近半小時都未見有野食上枱唔該幫我們追下張單啊。 

但係呢個女侍應態度非常無禮貌﹗她唔係幫我地跟進而係即下print張入座紙來同我們拗話我們11:01入座，邊度會等到接近半小時，你們係團購啊嘛﹗ 跟住我都不直佢所為同佢理論﹗我話我地就係團購我地得1.5小時食，無理由第一張入單紙order左都要等接近半小時以上啊嘛! 你係唔係應該幫我地追下張單呢? 佢竟然話返我們轉頭,佢意思話團購係咁啦,佢話佢入去催廚房D人佢未會比人鬧! 我們完全唔知呢個女侍應講緊咩囉，佢真係好九唔撘八!佢未即係間接話佢地茶樓係咁嫁，特登要嗰D團購客等嫁! 等佢地唔可以叫好多野食! 跟住我叫佢唔好我地講埋d無聊野，她就行開左去!

我地等到11:31即係入座後半小時,叫左另外個女部長來! 同佢講我地係團購order到直家等左半小時叫佢幫手追單. 佢初頭都係語氣麻麻,佢話我們邊有order到! 一聽到呢句點我地就無名火起啦! 我直斥她話有冇搞錯!原來單都冇幫我地入!要我地白白浪費了半小時,你們的員工態度簡直不所謂! 個女部長可能見我們真係好嬲! 佢先話比返個半小時我們，11:30起再計過!叫我們再寫過張單! 今次係佢親自幫我地入單!仲即場印埋張order紙比我們睇! 今次等左陣就即刻有野食囉! 竟然! LOL!  

總結呢間野有今次無下次啊! 員工態度欠佳! 好似睇唔起食團購嘅人! 尚宴你地無心搞團購就唔好搞啦!我都係第一次食團購搞到自己同個friend都咁唔開心! 尚宴的管理層唔該你們教導下你們員工,將心比心!唔需要你們的員工有貴賓式的款待，但起碼對客人要有基本的禮貌囉! 

請你們收到投訴後真是要正視你們員工待客態度欠佳的問題，係openrice同facebook都好多人留言同樣地話你們的員工無禮貌! 你們的員工連譚仔三哥D姐姐仲好過佢地，我食碗米線咋, 都唔係貴賓，但人地嘅態度都好過你們一百倍﹗其實嗰D害群之馬好心你們炒左佢啦﹗真係唔明做咩要請班素質低的員工幫自己公司倒米，不斷破壞你酒樓的名聲呢？﹗