之前與儍爸去了 Bingo & Cook 撐枱腳慶祝結婚周年

囝囝睇過相片之後，又話想去食炸雞和魷魚

這日終於有時間帶囝囝嚟試下 ...

餐廳的食物份量比較大，儍爸點的 ... 生菜包肉 HK$210 ... 也是份量十足

生菜包肉是冷盤來的

清爽不油膩的白煮肉肉味很香很濃

拌食的醬料和配菜也很豐富，有辣醬、生菜、辣椒絲、醃蘿蔔和泡菜

無論單吃、點韓式辣醬或者醃菜包著食都好好味

而我就最鍾意用生菜、醃蘿蔔和辣醬包著一起食，又酸又甜又咸又辣，味道好豐富

韓式炸雞有原味、醬油和甜辣醬三款口味

多心的我就點了 ...  半份甜辣醬 +半份醬油味 韓式炸雞 HK$158

除了炸雞，，仲有栗米和薯仔

炸雞外皮酥脆又不油膩，裡面的雞肉嫩滑又多汁

外面包著兩款不同的醬料 ... 醬油和甜辣醬

囝囝鍾意咸中帶點甜的醬油味炸雞

而儍媽和儍爸就鍾意又甜又辣，味道較惹味的甜辣醬炸雞

大食的我們還多點了客 ... 海蝦炒飯 HK$85

炒飯面有很多炸魷魚圈，炸得酥脆又惹味

裡面的配料很豐富，除了海蝦，仲有帶子、青椒和魷魚粒

炒飯較濕潤，應該加了少少醬汁去炒，飯粒飽滿，口感煙靭，味道不錯

跟炒飯附上一小碟蔬菜沙律，食完咁多香口菜式，來個清新蔬菜沙律 refresh 一下