![]() 假期前夕，約了友人到旺角食飯，友人揀了吃吧，黃店，食物十分吸引，一於試下，感謝友人訂位。
餐廳裝潢走工業風的型格設計，帶復古之感，入夜更有氣氛。 7:30準時去到，入座時唔太多人，之後就越來越多人了。
餐牌，多款選擇，最想食和牛面頰，但當日售罄，不過其他的都吸引呢。
實在太靚，忍唔住影多兩野。
熱情果接骨木花茶，$56，賣相實在太靚，美感之作，以花瓶做杯，再用假花作點綴，就咁睇相以為係裝飾呢，熱情果味唔會好濃，配合接骨木花茶，味道清香呢。
吃吧招牌拼盤，$118，有什菌酥盒、蘋果肝醬、三文魚莎莎、蟹肉牛油果及煙火腿蜜瓜，賣相十分精緻，用上像茶具的木底座盛裝，有古典之美，感覺好似high tea，酥盒鬆脆香牛油味，餡料份量適中，當中蘋果肝醬配搭幾特別，味道似蘋果批同時有肝醬濃郁的味道，鹹鹹甜甜有層次，三文魚莎莎及蟹肉牛油果味道清新開胃。
軟殼蟹肉醬千層麵(牛)，$148，創意的配搭，軟殼蟹香脆鮮味，肉醬千層麵味道濃郁，口感豐富好滋味。
芝士白酒煮藍青口，$84，厚厚的芝士，酒味不重，藍青口飽滿，幾好味呢。
食物賣相精緻，味道不俗，服務態度幾好有禮貌，幫襯可做會員下次有九折，支持小店。
旺角彌敦道566-568號僑建大廈2樓2室
| 
