尖沙咀美食攻略 主打高質素外賣 意粉 焗飯 港式小吃 最正係招牌牛角酥 識食一定食生炸雞脾同牛角酥再追加一客特色意粉 RICCO
|
|
林公子
2020-12-21
1121
0
|
分享
收藏
https://www.mrlamsan.com/2020/12/ricco.html https://girlssss.com/47565/kasang0728/ 尖沙咀,厚福街,美食戰場 不時都會有新既美食小店登場 今次要介紹既係經朋友推薦既外賣專門店 識食一定係食佢既牛角酥同意粉,仲有炸雞脾 店家係有多年西廚經驗既大廚 用料講究,用心製作,食物有高水準 食過就會變佢既忠實追隨者 款式多樣化,更加有定額套餐,岩曬而家節日預訂 做外賣店,無返幾款小吃點得呢 供應多款炸物小吃,都是即炸,非預炸 即炸香芋地瓜丸$18 鐵板肥牛炒腸粉$42 雙拼即炸雲吞水餃 $18 即炸雞髀(大/中/小辣/原味)$30 仲可以配埋個特製柚子沙律醬食 另外仲有椒鹽雞翼尖同鐵板炒腸粉,肥牛卷等等 雞脾尺寸巨大,肉多皮脆,用上高溫生炸 做到真正既外皮香脆,肉汁仍然非常豐富 咬起黎真係好有肉汁,雞脾肉仍好嫩滑 可辣可唔辣,識食要食辣,辣度勁,又夠香氣 卡邦尼慢煮温泉蛋雞肉炒意粉$54 拿破崙腸片炒意粉$48 卡邦尼慢煮温泉蛋雞肉炒意粉$54 意粉可以話係佢地既招牌之一 慢煮溫泉蛋,將之拌勻令意粉食起黎更香濃 用料豐富之餘,醬汁亦係靈魂所在,香而不油膩 拿破崙腸片炒意粉$48 同卡邦尼完全唔同風味既意粉 用上意大利去皮番茄做醬汁,味道特別濃郁 食起黎同平時只用番茄醬番茄膏炒出黎既完全唔同風味,味道更自然,帶點微辣,個人更加喜歡這一款番茄味道既意粉 提提你,今個星期19,20號,全日買意粉滿$50 即送炸脾一隻,價值$30!! 龍蝦汁海鮮焗飯$55 呢個焗飯非常有內餡,首先,飯底係炒過既,我食到有蛋碎,加上特製既龍蝦汁再加芝士焗香 入面有帶子,青口,魚扒,蔬菜等食材 做到香而不膩之餘,食完唔會口乾 如果女仔食仲可能食唔曬添 份量與味道絕對超值 煙三文魚蛋沙律牛角包$32 照燒汁香煎雞扒牛角包$33 落單後即點即烘熱再夾上食材 雞扒牛角酥,雞扒煎得香,雞扒肉嫩,夾埋生菜食 夾咩餡都唔夠個牛角包本身既香味突出,成個麵包先係靈魂之所在 見到個包身有巢型紋理,已知係靚貨 另外一口咬下,食到油香,夠酥脆夠薄身見到層層分明,過江龍個D都唔夠黎 老細呢個招牌牛角包認真有水準 味道有:煙三文魚蛋沙律 吉列魚柳,黑松露蛋沙律 京蔥肥牛 Ricco 地址: 尖沙咀厚福街9A號地舖 |
~END~
商店 |