麥理浩徑第10段
|
|
圓咕碌
2012-04-17
568
0
|
分享
收藏
由Yahoo Blog 搬過嚟(累積瀏覽 446) 4月15日星期日 今日係我嘅 family day , 爸爸揀咗一條新路比我同媽媽行, 初時媽媽好驚太陽伯伯曬住我 , 怕我行得辛苦, 好好彩去到屯門食 lunch 天公造美 , 全程都天蔭蔭仲好大風呢~!! 泊好車............行上嚟呢條斜路就見到呢個涼亭~!! 跟住沿引水道而行~!! 用太陽能發電嘅街燈 , 估唔到响呢度見到呢~!! 呢度仲望到海同飛機經過~!! 睇吓引水道有無魚先?? 沿途仲會見到好多松樹同呢種花~!! 仲有小水潭睇................啲水仲好清添~!! 行咗一半路程..............見到呢張櫈...............媽媽話要休息吓~!! 呢度風景真係好正呀~!! 爸爸話好耐無見我笑得咁甜 , 同我影咗呢張沙龍相~!! 見到喇................見到喇..............見到目的地喇~!!!!!!!!!!! 終於到咗黃泥墩水塘堤壩喇...............!! 好好彩嚟到呢度先有太陽咋 , 拿拿聲影完水塘相................我哋回程 lu ~!!!!!!!!!!! 行咗一陣..............坐低飲啖水休息吓~!! 見到有條大樹木................走上去測試吓我嘅平衡力 , 哈哈..............媽媽話合格喎~!! 回程又忍唔住走入去跑吓草地~!! 電兔嚟喇~!!!!!!!!! 時間過得真係快~!! 估唔到我哋行咗二個幾鐘頭 , 又行番嚟涼亭 lu ~!! 臨上車有太陽...............媽媽話影張全家福留念~!! 呢度真係幾好行又乾淨 , 無太陽嘅話真係行得好舒服 , 媽媽同我都好滿意呢個地方 , 我知有朋友仔實會問呢度邊到嚟架?? 答案係麥理浩徑第10段 , 我哋由屯門掃管笏出發 , 行到嚟黃泥潡水塘堤壩 , 用咗二個幾鐘頭行完呢條徑 , 有腳骨力嘅朋友仔可以挑戰行哂全個水塘呢~!!
感謝 圓咕碌 提供以上資料 圓咕碌的網誌: http://yuenkolok.blogspot.hk/
|
~END~
商店 | 麥理浩徑 Maclehose Trail |