|
爸爸的好帶揭~!!!!!!!!!
|
|
圓咕碌
2011-10-10
1526
0
|
分享
收藏
由Yahoo Blog 搬過嚟(累積瀏覽 447) 10月9日星期日 今日爸爸上網揾到一條新嘅行山路線 , 只需要行一個鐘頭多啲 , 又行得舒服又有景點睇 , 我同媽媽都好贊成 , 就係咁............我哋二點半開車出發 lu~!! 將架車泊响呢度~!! 沿住長長嘅梯級行上山 帶番條圍巾比媽媽影張靚仔相先~!! 一口氣行咗百幾級樓梯.................爸爸媽媽都頂唔住要坐低休息吓飲吓水 , 估唔到响呢度望到如心廣場~!! 另一邊望住一片山海 聞吓山上嘅草係咪新鮮啲先~!! 休息咗一陣..............媽媽覺得頭暈 , 加上爸爸話應該行錯路 , 所以決定落番山 , 媽媽暈住都抱我落山 , 係唔想我行咁多梯級 , 而爸爸就去揾番我哋原本想行嗰條山路 , 等咗幾個字 , 爸爸終於行返嚟 , 仲揾到條路呢~!!!!!!!!!! 就係呢度喇~!!!!!!!!!! 初時都係要行樓梯上山 ~!!!!!!!! 比起之前嗰度就少好多梯級呢~!! 跟住見到個涼亭 呢個亭叫六善亭 經過呢條好靚嘅小橋................. 跟住個牌指住荃錦嗰方向行~!! 沿途欣賞吓好靚嘅葉~!! 响山上面可以清楚見到大帽山嘅"天文氣象塔 " 跟住沿山路落番嚟營地~!! 見到呢個標誌就知呢度可以露營呢~!! 行咗咁耐...............坐响度休息一吓~!! 欣賞咁靚又香嘅花花~!! 係時候沿大路行番出去攞車~!! 今次因為行錯路................所以足足行咗二個多小時山 , 都係多得爸爸嘅帶揭 , 搞到我同媽媽行咗咁多路 , 上到車我攰到瞓著咗 , 返到屋企比媽媽洗手腳 , 食埋 dinner 我就去揾周公傾計 lu ~!!!!!!!!!!!
感謝 圓咕碌 提供以上資料 圓咕碌的網誌: http://yuenkolok.blogspot.hk/
|
~END~
| 商店 | 六善亭 |