|
靚女同遊鶴藪水塘
|
|
圓咕碌
2012-01-09
1065
0
|
分享
收藏
由Yahoo Blog 搬過嚟(累積瀏覽 444) 1月8日星期日 今日好開心約咗個靚女陪我去郊遊 , 地點緊係要揀個優靜啲嘅地方啦 , 方便我了解佢~!! 一嚟到鶴藪...............當然要同靚女Momo 影番張合照先啦~!! 大家估吓我點解咁興奮~?? 咪因為我見到佢囉 , 不過佢原來驚細狗架 , 所以無得同佢玩 lu~!! 話咁快就行到嚟家樂徑喇~!!!!!!!!! Momo 笑笑口話.............呢度環境唔錯呢~!! 行咗咁耐...............我哋仲一齊坐响度欣賞吓風景 , 順便哂吓太陽~!! 我身後面就係水塘堤壩喇~!!!!!!! 呢度環境咁正 , 幫 Momo family 影番張全家福留念~!!!!!!!!! 跟住又點少得我哋一家人呢~!!!!!!! 行到嚟水塘 , 今次水塘啲水好滿 , 仲有少少風 , 行得好舒服呀~!! Momo 真係一個開心果 , 面上總是掛住笑容~!!!!!!!!! 我同佢由初時(第一張相)陌生...............到中段佢已經同我熟絡起嚟lu~!! 睇吓大家幾有默契~!!!!!!!! 行到呢度.............見條橋咁靚 , 坐低影吓相先~!!!!!!!! Momo 因為怕高 , 所以有啲驚..............收起咗笑容呢~!! 哈哈..............我比佢再坐高一級都氣定神閒~!! 行番落嚟有個涼亭..............仲有個草地 , 問媽媽可唔可以响呢度跑番轉 , 答案當然無問題呢~!! 123..............起跑喇................. 我嚟喇................. 成功飛起咗喇~!!!!!!!!! 哈哈...............真係好有滿足感架~!! 輪到靚女 Momo 跑喇................ 佢因為要保持淑女形象.............. 所以咁樣算飛起咗呢~!! Momo 睇完啲相都好滿意~!!!!!!!! 响呢度仲有呢個朋友仔見証我哋跑呢~!! 玩到四點幾回程lu ..............., Momo 話唔敢好似我咁坐咁高影 , 唯有坐地下影~!! 咁我就吓你...............响地下影張合照~!!!!!!!! 媽媽好鐘意呢啲纑緯草 , 我緊係識做同佢影張合照留念呢~!! 比爸爸偷拍到 Momo family 好 sweet 嘅全家福背影~!!!!!!!! 好喇...............玩咗咁耐...............要坐車車返屋企lu~!!!!!!!!! 今日好開心可以令到 Momo 同我熟絡咗 , 下次再見佢嘅時侯...............希望同佢越嚟越 friends 啦 , 車咗 Momo family 去火車站 , 我哋就返屋企lu , 媽媽趕住同我洗手腳吹毛毛 , 煮雞胸肉比我食 , 然後佢同爸爸換個套靚衫去飲呢 , 我今日跑到咁攰 , 緊係去揾周公傾吓計呢~!!!!!!!!!
感謝 圓咕碌 提供以上資料 圓咕碌的網誌: http://yuenkolok.blogspot.hk/
|
~END~
| 商店 | 鶴藪水塘 |