|
左邊果棵咪銀杏樹囉~~乜光禿禿嘅？大佬呀冬天黎架~~咁咪無得食白果糖水囉？成日掛住食！跟住我地走入本丸御殿，感受藩主生活~
本丸御殿於1877年(剛於西南戰爭發生時)意外燒毀。2003年，為慶祝熊本城築城400年，對本丸御殿進行修復工程，於08年完成。江戶時代的文獻、當時的壁畫等，再次重現眼前。
點解個個一袋二袋嘅？莫非有平貨掃？非也！因以免遊客弄污地板，便免費送贈超環保膠袋乙個，裝住我地對臭鞋~~~~行完，確保膠袋即時棄置、不會循環再用，你話幾環保呢！仲唔駛收5毫子膠袋稅添~~~~
唔怪得咁易著火啦~~~全部用木材興建架~~~
加藤清正是熊本初代藩主，之後接棒的是細川忠利，原來細川氏都很喜歡上網，仲整左個電腦室添~~~(超爛GAG)
(下圖)大廣間：於本丸中最大嘅房間「鶴之間」，往裏面伸延包括「梅之間」、「櫻之間」及「若松之間」，用趟門分隔。
昭君之間是本丸御殿中最華麗的地方，是藩主的起居間及客室，金碧輝煌咪係依d囉！我們在這裡遇見西漢出塞的王昭君，但如果你係goalkeeper，就唔好學佢咁彈琵琶喇~~~
行完本丸御殿，肚子餓了，見到休憩室賣綠茶同和果子tea set，仲只係要300yen，一於坐低醫下肚啦~~~點知原來舊和果子只係一細塊糯米團鋪花生粉，飲完杯綠茶，感覺更加餓了~~~
遊完熊本城，便用英語問工作人員點去舊細川刑部邸。他雖然不懂我說什麼，但仍非常熱心地指示我們方向。於是便搭11號車(即行路囉)到達西南邊的舊細川刑部邸。
刑部邸是細川家第三代忠利之弟興孝所建設，它讓人體驗高級武家住宅的格局。不知是否江戶時期人們較矮，我穿梭於門與門之間，除了能欣賞其室內設計風格外，門框亦令我的頭部留下深刻痛楚的感覺！
開放時間：0830-1730(11月至3月：0830-1630)
休息日：無休息日
費用：300yen
![]()
感謝 安祖日月 提供以上資料
http://papillon-hk.blogspot.hk/
| 
