九州day3：銅牆鐵壁熊本城 SeeWide

早上8:15，我們乘坐特急リレーつばめ(relay tsubame)３號，由福岡出發，前往熊本市(Kumamoto)。relay tsubame中文叫接力燕子號，顧名思義，是新幹線燕子號的延續，以新八代為終點站。9:30am到達熊本市了~~~

到達熊本站，紀念品店售賣阿笨與阿占公仔，可惜今次未有安排去阿蘇，否則便可去cuddly dominion(http://www.cuddly.co.jp)探望牠們

SL人吉及阿蘇1962都是極受歡迎的列車，要乘搭就要提早預約囉~~

熊本市的主要運輸工具是電鐵~~就似香港的輕鐵，但不是一式一樣，而是色彩繽紛~~噴上不同廣告~~很吸引遊客的目光。我們在JR內的旅遊中心買了電鐵1DAY PASS，就可以周圍去，非常方便~~~(每張都係500YEN咋，而一程電鐵要130YEN，搭4程就回本，一於用盡佢喇~~)

同車仲有另一對香港夫婦，一樣揸住旅遊書搵路。我們於「熊本城前」站落車，走了一會，熊本城的建築師：加藤清正雕像出現在眼前。加藤清正是豐臣秀吉手下猛將，亦是初代熊本藩主。可以說他是熊本市的代表人物也不為過。

但此時城內的主角，卻非梅花莫屬！

周圍的石牆非常陡斜，有「武者返」之稱，即令攻城者想放棄的意思~~如果想進城參觀，都要行過斜斜的石級~~~我們領教了其易守難攻的特點了~~~

可惜今天天陰陰的，如果有藍天白雲做背景定必很美~~~

自1606年加藤清正起好熊本城，至今已有404年了，她不愧為日本三大名城之一，果然夠哂巨型~~

你有無玩過隻game叫戰國美少女呀？我就係主角喇，

私の名前は肥後秀娜です，~~我係咪索過周秀娜呢？熊本縣以前叫肥後國架，你唔知咩？？

日本d女人真係唔講得笑，餓起上黎，咩都可以食一餐！又或者其實佢地係西鄉隆盛嘅後人，所以先咁憎恨熊本城要咬佢！

明治初期爆發西南戰爭，以熊本城為大本營嘅政府軍大戰西鄉隆盛領導嘅紅衫軍~~~唔係~~係武士集團先真。當時新明治政府廢藩置縣，武士越來越無地位，攪到無啖好食，梗係作反啦！但係熊本城咁易被你攻陷咩？最終西鄉隆盛戰敗，更在鹿兒島自盡，結束日本最後一場內戰。

以前要攻城就難啫~~~宜家？大無斯樣行入去天守閣都得啦~~~仲「無料」添~~~

呢位80後士兵，請問你時薪幾多？有無20蚊一個鐘？士兵：你地香港就好喇！係就係20蚊，不過我收YEN咋~~~~~~>_<

天守閣內有好多依d木牌，原來係d市民捐錢俾熊本城，就可以係度留下大名，等我研究下邊d姓氏最common先~~~佐藤右藤、吉川富浪~~唔見依D名人嘅？

熊本城之所以又叫銀杏城，係因為加藤清正築城時已經考慮到萬一被人圍揼時，城內會需要很多食物，所以種定好多銀杏樹係度。換言之，加藤清正不但是建築師、軍事專家、食物衛生局局長，仲係漁農署署長，甚至係糖水鋪老闆！

因為如果種多d黃豆，就可以開鋪賣白果腐竹糖水啦！加隻蛋吖唔該~~~~

柯南曾到熊本城進行推理之旅，可看以下連結~~

感謝安祖日月提供以上資料
http://papillon-hk.blogspot.hk/

~END~

商店	熊本「紅」宣傳大使～熊本香港事務所～


(0)	(0)	(0)