深水埗@再三回味 SeeWide

之前袁生袁太睇電視介紹深水埗有一間雲南米線的鋪頭,
話入面的醬爆芝士餃子好好食個喎!
仲話d餃子煎到脆脆地咁,
攪到袁生袁太都好想去試下,
所以見星期六得閒,
就去深水埗試下係咪真係咁好食,
初時以為星期六會好多人添!
唔知都冇咩人,
睇下個餐牌先,都幾多米線喎!
咁就同袁生一人一碗撈米線,
梗係唔少得試下個醬爆芝士餃子喇!
再加兩杯豆漿(一凍一熱),
服務都幾好,野食都好快黎齊添!
每個位都有放餐具的櫃,
整整齊齊,好方便,
至於食物質素方面:
撈米線好好食,
豆漿好好飲,好香腐竹味,
但至於芝士餃子就還可以,
因為袁太覺得一d都唔脆,
但入面個芝士餡料就覺得幾好味,
不過不失喇!
埋單$85,都算係咁喇!

其實係咪真係即叫即煎架?

好香腐竹味的豆漿