|
【食記】八月堂 ♥ 殿堂級可頌 + 皇家榴槤卡士達│焦糖布丁│暖陽芒果
|
|
ester
2021-08-27
368
4
|
囡囡話想食八月堂的可頌 ... 咁啱這日在荃灣西站的海之戀商場地下見到有分店 仲有買五送一優惠，即刻買番幾個返去做下午茶喇 !!! 原來有咁多款口味 ... 選擇困難症又發作 ... 最後，終於揀了 ... 。招牌蜂巢可頌 X 2 (HK$16) 。焦糖布丁 X 1 (HK$24) 。暖陽芒果 X 1 (HK$26) 。皇家榴槤卡士達 X 2 (HK$26) 運送途中冇倒塌變型 ... 返到屋企，仍然 keep 到個靚樣 ! 首先試了 ... 皇家榴槤卡士達 ... 即叫即做的，買的時候要等一陣喔 ! 餡料是用了馬來亞西榴槤『D24 蘇丹王』搭配吉士醬 除了可頌上面，裡面也有滿滿的榴槤吉士醬，飄著濃郁的榴槤香味 可頌吃起來酥香鬆軟又帶著自然的彈性 配上甘甜柔滑的榴槤卡士達，榴槤控一定要試呀 !!! 接著試了 ... 暖陽芒果可頌 以新鮮芒果汁調合成的酸甜奶醬搭配粒粒芒果，再灑上雪白糖粉和抹茶粉 食到大大粒芒果好滿足，鬆軟酥香的可頌配搭上芒果的微酸，味道好清新 之後是 ... 焦糖布丁可頌 在鬆軟酥香的可頌上面鋪上香甜 Q 彈的焦糖布丁 再灑點雪白糖粉，香香甜甜，很啱囡囡的口味 ~~ 有餡的可頌因為怕壞掉，即刻放哂入我們的肚子 ... 剩下來的 ... 招牌蜂巢可頌 ... 放了入雪櫃冷藏留作隔天的早餐 ... ** 以上分享是以我的口味、體質和情況作出分享及感受，一試 / 合用與否請自行決定 ** 本網誌內所有文章和圖片均屬本人所有，歡迎參觀。圖文如欲轉載，請先聯絡 cheungester@gmail.com ! 如發現未經授權使用，本人將保留一切追究權利 ! 多謝合作 ! 歡迎與我聯絡 → cheungester@gmail.com (Ester Cheung) Instagram│Openrice│BlogSpot│UBlog |
| 商店 | 八月堂-香港 |