對於住係將軍澳既我地一家

去大埔真係等同去旅行咁...

今日一於一家三口遠征入大埔旅行

一早八點起身

老公煮個豐富早餐

9:40左右開始出發

行15分鐘去到巴士站

等左5分鐘左右就有車

搭半個鐘就到沙田火車站

跟住再轉三個站到大埔墟火車站

然後再轉小巴

都好快,大約20分鐘就到達大美督喇

全程大約個半鐘,又幾快喎

首先去租左架家庭單車

之後就出發踩去堤霸

原來堤霸好近,好快到

一進入堤霸位置,

就發現好多綠色小蚊滋

佢地係亂發亂撞既

成日撞落我面到..

我地都即刻戴上太陽眼鏡

仲見有一家人都戴上口罩

因為佢地太亂撞喇..飛入口都有可能

跟住落車行下

發現原來啲蚊滋係中意圍位架單車

中意痴係深色既衫,袋同黑色凳到

因為實在太多蚊滋,所以我地好快踩到另一邊

留左一陣,影兩張相就踩返轉頭

快速離開堤霸

之後去左間小食店到食碗豆腐花

估唔到又幾滑喎

悠悠自己食晒一碗呢

食完野,差不多租左架車兩個鐘了

於是還車去..

還完車,就出發去摘士多啤梨

本來今日無安排依個行程既

不過搭小巴尼個時,經過見到有人落車去士多啤梨園

又距離唔係咁遠,所以我地過去睇下先

大約行左15-20分鐘左右就到

一入去,啲士多啤梨比我相像中靚喎

唔係話好大粒,但都幾紅呀

老公入去仲偷偷試食左一粒

佢大讚好甜...(佢平時唔多中意食士多啤梨架)

摘摘下,有啲團體尼到...

特然變得好多人..

不過佢地都無乜點摘..只係四圍行下

我地係咁摘..都摘左成兩磅

依到比天水圍平呢

50蚊一磅,我地兩磅仲有埋個盒喎

比完錢即試食..真係好甜,好香士多啤梨味呢

跟住就出去搭小巴

去返火車站個邊食個午餐

就回程返屋企

返到屋企都只係5點,

仲可以好好休息一下囉 ^^

晚飯後甜品就係士多啤梨

一家三口將兩磅K.O.晒