|
【旺角 食記】隱藏在花墟花店中的 Cafe ♥ 食件蛋糕嘆杯茶 ♥ Cafe Hay Fever
|
|
ester
2022-06-13
275
4
|
分享
收藏
【2021 年 11 月】 想買盆香草和蕃茄仔係屋企種吓 ... 就前與儍爸去花墟逛了轉 ... 行到成身汗梗係搵間 cafe 食件蛋糕咁杯咖啡 Cafe Hay Fever 就隱藏在花墟的 Hay Fever 花店中 是花店也是 cafe 但是單看店面完全唔知裡面有間咖啡店 好耐冇嚟囉 !!! 現在只得地下幾張枱，座位不多 以前開埋樓上，樓上的大玻璃窗透著陽光好舒服 木系裝潢加上柔和溫暖的燈光和綠意盎然的小盆栽裝飾 心情自然放鬆的感覺 除了咖啡、花茶、果茶外，仲有蛋糕、鬆餅和批酥等輕食 儍爸 ... Dirty〈HK$34〉+ Souffle Cheese Cake〈HK$48〉 蛋糕櫃的蛋糕全部都好吸引 本來話好飽的儍爸都忍唔住點了個梳乎厘芝士蛋糕 質感好軟綿，芝士味不太濃，蛋糕上面有點焦糖醬 入口甜甜地，好好食 ~~ 儍媽 ... Masala Chai 印度香料茶〈HK$54〉 天氣太熱，平時愛嘆杯咖啡的儍媽 就點了杯解渴的凍香料茶 唔知係我講錯定係佢落錯單 ... 變了壼熱的香料茶 @@ 熱騰騰真係飲唔到 ... 好彩佢比了一大杯冰可以泡杯冰凍的香料茶 即使不加奶和糖，也不覺苦澀 品嚐到茶和香料的味道，清爽又解渴 一大壼約有兩杯份量，飲完凍的仲可以嘆杯熱的 又幾好喎 ... 錯有錯著 ~~ Cafe Hay Fever 花粉熱 香港 旺角 花墟道 62-64 號 地下 ** 以上分享是以我的口味、體質和情況作出分享及感受，一試 / 合用與否請自行決定 ** 本網誌內所有文章和圖片均屬本人所有，歡迎參觀。圖文如欲轉載，請先聯絡 cheungester@gmail.com ! 如發現未經授權使用，本人將保留一切追究權利 ! 多謝合作 ! 歡迎與我聯絡 → cheungester@gmail.com (Ester Cheung) |
~END~
| 商店 | 花粉熱 |