太上皇腳唔好, 生日飯唔方便出去食, 唯有外賣自取, 無意中見到陶源酒家有這個四人套餐, 價錢合理, 一試無防.

虎蝦伊麵自選小菜四人餐包括:

花膠老雞湯

上湯老虎蝦伊麵

廚皇炒飯

自選小菜2款: 蒜香雞, 竹綱海珊骨

雞湯好夠味, 材料足, 湯底見有花膠,雞肉,豬肉,響螺,雞腳...

老虎蝦用了蒜煮, 好香, 但虎蝦其中兩隻有點梅, 扣點分

家中四人最滿意的莫過於廚皇炒飯, 炒得好乾爽, 粒粒分明, 雖然只用了簡單材料炒出, 口感豐富

至於自選的兩款小菜, 選擇時覺得生日要有雞, 所以選了蒜香雞, 另一款竹綱海珊骨, 只是見到名稱上有點特別便選了, 講到蒜香雞, 無諗過係豉油色, 亦食唔出有蒜味, 所以唔知是否真的蒜香雞是這樣, 但味道還可以, 只是油了一點, 而竹綱海珊骨, 看樣貌平平無其, 入口都幾香, 原來這個餸其實用了蝦醬來炸, 後生仔一定鐘意, 夠香口.

套餐價錢:$388, 計開每個餸都係幾十蚊, 在家都食到酒家餸幾十蚊算是唔錯喇, 無咩特別要求.